ହାଇଦ୍ରାବାଦ: ବିଶ୍ବରେ କୋରୋନା ଆତଙ୍କ ଯୋଗୁଁ ପ୍ରାୟ ସମସ୍ତ ଲୋକ ଏବେ ୱାର୍କ ଫ୍ରମ ହୋମ କରିବାକୁ ବାଧ୍ୟ । ଏମିତିରେ ବିଗତ କିଛି ଦିନରେ ଇଣ୍ଟରନେଟର ବ୍ୟବହାର 30 ପ୍ରତିଶତ ବଢିଥିବା ପ୍ରକାଶ କରିଛି ସେଲ୍ୟୁଲାର ଅପରେଟର ଆସୋସିଏସନ ଅଫ ଇଣ୍ଡିଆ(ସିଓଏଆଇ) । ତେବେ ଘରୁ କାମ କରୁଥିବା ଅନେକ ଲୋକଙ୍କ ନେଟୱାର୍କକୁ ନେଇ ଅସୁବିଧା ରହୁଥିବା ଅଭିଯୋଗ ଆସୁଛି ।
ଏହି ସାଧାରଣ ଅଭିଯୋଗର ସମାଧାନ ପାଇଁ ଆମେ କହୁଛି 9ଟି ସହଜ ଟିପ୍ସ । ଏହାଦ୍ବାରା ଆପଣ ନିଜ ୱାଇ-ଫାଇ ସ୍ପିଡକୁ ବଢାଇବା ସହ ଡାଟା ୟୁସେଜକୁ ବି ନିୟନ୍ତ୍ରଣ କରିପାରିବେ। କ’ଣ ରହିଛି ଏହି ଟିପ୍ସ ଜାଣିବା ପାଇଁ ଆଗକୁ ପଢନ୍ତୁ...
1- ନିଜ ରାଉଟର ସହ ଅନାବଶ୍ୟକ ଗ୍ୟାଜେଟକୁ କନେକ୍ଟ କରନ୍ତୁ ନାହିଁ । ଉଦାହରଣ ସ୍ବରୂପ ଯଦି ଆପଣଙ୍କ କାମ ସମୟରେ ଫୋନରେ ୱାଇ-ଫାଇର ଆବଶ୍ୟକତା ନାହିଁ, ତେବେ ଏହାକୁ ୱାଇ-ଫାଇରୁ ଡିସକନେକ୍ଟ କରନ୍ତୁ । ଏହାଦ୍ବାରା ଲାପଟପ ବା ଡେସ୍କଟପରେ ଇଣ୍ଟରନେଟର ସ୍ପିଡ ବଢିବ ଏବଂ କାମ ସହଜ ହେବ ।
2- ଘରେ ଆପଣ ରାଉଟରକୁ କେଉଁଠି ରଖୁଛନ୍ତି ତାହା ଉପରେ ମଧ୍ୟ ଇଣ୍ଟରନେଟର ସ୍ପିଡ ନିର୍ଭରଶୀଳ । ତେଣୁ ରାଉଟରକୁ ସବୁବେଳେ କାନ୍ଥ ଓ ଇଲେକ୍ଟ୍ରିକାଲ ବସ୍ତୁଠାରୁ ଦୂରରେ ରଖିବାକୁ ଚେଷ୍ଟା କରନ୍ତୁ ।
3- ସ୍ପିଡ ବଢାଇବାକୁ ସୀମିତ ବ୍ୟାଣ୍ଡୱିଡଥ ଯୁକ୍ତ ଏକାଧିକ ସର୍ଭିସ ସେଟ ଆଇଡେଣ୍ଟିଫାୟାର(ଏସଏସଆଇଡି) ଲଗାନ୍ତୁ । ଏହାଦ୍ବାରା ଭିନ୍ନ ଡିଭାଇସକୁ ଉପଯୁକ୍ତ ପରିମାଣରେ ଇଣ୍ଟରନେଟ ମିଳିପାରିବ ।
4- ଆପଣ କାମ କରିବାକୁ ଥିବା ସିଷ୍ଟମ, ଡେସ୍କଟପ ବା ଲାପଟପକୁ ଏକ ନିର୍ଦ୍ଦିଷ୍ଟ ଫ୍ରିକ୍ବେନ୍ସିରେ ସେଟ କରନ୍ତୁ । ଏହି ଫ୍ରିକ୍ବେନ୍ସିରେ ଅନ୍ୟ କୌଣସି ଡିଭାଇସକୁ ସେଟ କରନ୍ତୁ ନାହିଁ ।
5- ଆପଣ ବିନା ବାଧାରେ କାମ କରିବାକୁ ଚାହୁଁଥିଲେ ଲ୍ୟାନ ୱାୟାର ଦ୍ବାରା ମଧ୍ୟ କନେକ୍ସନ କରିପାରିବେ ।
6- ଡୁଆଲ-ବ୍ୟାଣ୍ଡ ରାଉଟରରେ 2.4GHz ବଦଳରେ 5GHz ଫ୍ରିକ୍ବେନ୍ସିକୁ ସିଲେକ୍ଟ କରନ୍ତୁ ।
7- ଅଧିକ ରେଞ୍ଜ ପାଇଁ ଡୁଆଲ-ବ୍ୟାଣ୍ଡ ରାଉଟରରେ 2.4GHz ଫ୍ରିକ୍ବେନ୍ସି ସିଲେକ୍ଟ କରନ୍ତୁ ।
8- ଥାର୍ଡି ପାର୍ଟି ଆପ୍ ସାହାଯ୍ୟରେ ୱାଇ-ଫାଇ ଡେଡ ଜୋନ ଦେଖନ୍ତୁ ଏବଂ ସେଠାରେ କାମ ନକରିବାକୁ ଚେଷ୍ଟା କରନ୍ତୁ ।
9- ୱାଇ-ଫାଇ କଭରେଜ ବଢାଇବା ପାଇଁ ରିପିଟର ଓ ଏକ୍ସଟେଣ୍ଡରର ବ୍ୟବହାର କରନ୍ତୁ ।
