ମୁମ୍ବାଇ: ନିର୍ବାଚନ ଆୟୋଗଙ୍କ ବଡ ନିଷ୍ପତ୍ତି । ପ୍ରଥମଥର ନିର୍ବାଚନ ଆୟୋଗ ମହିଳା ଭୋଟରଙ୍କୁ ଆକୃଷ୍ଟ କରିବା ପାଇଁ ସାନିଟାରୀ ପ୍ୟାଡ୍ ଦେବାର ନିଷ୍ପତ୍ତି ନେଇଛନ୍ତି । 29 ଏପ୍ରିଲରେ ମୁମ୍ବାଇରେ ‘ସଖୀ ମତଦାନ କେନ୍ଦ୍ର’କୁ ଯେଉଁ ମହିଳା ଭୋଟର ଭୋଟ ଦେବାକୁ ଆସିବେ ସେମାନଙ୍କୁ ସାନିଟାରୀ ପ୍ୟାଡ୍ ଦିଆଯିବ । ତେବେ ବୁଧବାର ନିର୍ବାଚନ ଆୟୋଗଙ୍କ ପକ୍ଷରୁ ଏହି ସୂଚନା ଦେଇଛନ୍ତି ।
ସେ କହିଛନ୍ତି, ଅଧିକ ସଂଖ୍ୟାରେ ମହିଳା ଭୋଟରଙ୍କୁ ପ୍ରାତ୍ସାହନ କରିବା ପାଇଁ ଏଭଳି ପଦକ୍ଷେପ ନିଆଯାଇଛି । ଏଥିସହ ସେ କହିଛନ୍ତି, ମୁମ୍ବାଇରେ କୁର୍ଲା, ଅନ୍ଧେରୀ ଏବଂ ବୋରିବଲୀ ଅଞ୍ଚଳରେ 26 ବିଧାନସଭା ପାଇଁ ସ୍ୱତନ୍ତ୍ର ‘ସଖୀ ମତଦାନ କେନ୍ଦ୍ର’ କରାଯାଇଛି । ଯେଉଁଠି କେବଳ ମହିଳା ଭୋଟର ମାନେ ହିଁ ମତଦାନ କରିବେ ।
ତେବେ ଏହି ମତଦାନ କେନ୍ଦ୍ରଗୁଡିକରେ ପ୍ରତ୍ୟେକ ମହିଳା ଭୋଟରଙ୍କୁ ସାନିଟାରୀ ପ୍ୟାଡ ଦିଆଯିବ । ଏହାଛଡା ବୁଥ୍ ଗୁଡିକରେ ସେମାନଙ୍କ ପାଇଁ ଥଣ୍ଡା ପାନୀୟ ଜଳର ଆୟୋଜନ କରାଯାଇଛି ।
