ନୂଆଦିଲ୍ଲୀ: ଗୁରୁବାର ସ୍ବାଧୀନତା ଦିବସ ଅବସରରେ ଭାରତୀୟ ବାୟୁସେନାର ଓ୍ବିଙ୍ଗ କମାଣ୍ଡର ଅଭିନନ୍ଦନ ବର୍ତ୍ତମାନଙ୍କୁ ତୃତୀୟ ଶ୍ରେଷ୍ଠ ଯୁଦ୍ଧକାଳୀନ ସାମରିକ ସମ୍ମାନ ବୀର ଚକ୍ର ସମ୍ମାନିତ କରାଯିବ ।
ଅଭିନନ୍ଦନ ବର୍ଦ୍ଧମାନଙ୍କ ପାଇଁ 'ବୀର ଚକ୍ର' ଉପାଧି ସୁପାରିଶ କରିଥିଲା ଭାରତୀୟ ବାୟୁସେନା। ପାକିସ୍ତାନର ଏଫ୍-୧୬ ଯୁଦ୍ଧ ବିମାନକୁ ଆକାଶ ମାର୍ଗରେ ଧ୍ବଂସ କରିବାରେ ସମର୍ଥ ହୋଇଥିବାରୁ ଅଭିନନ୍ଦନଙ୍କୁ ଏହି ସମ୍ମାନ ପ୍ରଦାନ କରାଯିବ ।
ସୁରକ୍ଷା ଦୃଷ୍ଟିରୁ ଅଭିନନ୍ଦନ ବର୍ତ୍ତମାନଙ୍କୁ କାଶ୍ମୀରରୁ ପାକିସ୍ତାନ ସୀମାବର୍ତ୍ତୀ ପଶ୍ଚିମାଞ୍ଚଳରେ ନିୟୋଜିତ କରାଯାଇଛି।
ସେହିପରି ଭାରତୀୟ ବାୟୁସେନାର ସ୍କ୍ବାଡର୍ଣ୍ଣ ଲିଡର ମିଣ୍ଟି ଅଗ୍ରଓ୍ବାଲଙ୍କୁ ଯୁଦ୍ଧ ସେବା ମେଡାଲ ସମ୍ମାନରେ ସମ୍ମାନିତ କରାଯିବ । ମିଣ୍ଟି 27 ଫେବୃଆରୀ ବାଲାକୋଟ ଏୟାର ଷ୍ଟ୍ରାଇକ ସମୟରେ ଫାଇଟର କଣ୍ଟ୍ରୋଲର ଭାବେ ମୁଖ୍ୟ ଭୁମିକା ଅର୍ଜନ କରିଥିଲେ । ଏଥିସହ ବାଲାକୋଟ ଏୟାର ଷ୍ଟ୍ରାଇକ କରିଥିବା 5 ଜଣ ପାଇଲଟଙ୍କୁ ବାୟୁସେନା ମେଡାଲ ପ୍ରଦାନ କରାଯିବ । ସ୍ବତନ୍ତ୍ରତା ଦିବସ ଅବସରରେ ଓ୍ବିଙ୍ଗ କମାଣ୍ଡର ଅମିତ ରଞ୍ଜନ, ସ୍କ୍ବାଡର୍ଣ୍ଣ ଲିଡର ରାହୁଲ ବସୋୟା, ପଙ୍କଜ ଭୁଜଡେ, ବିକେଏନ ରେଡ୍ଡୀ ଓ ଶଶାଙ୍କ ସିଂହଙ୍କୁ ବାୟୁସେନା ପଦକ ପ୍ରଦାନ କରାଯିବ । ଏହି ସମସ୍ତ ବାୟୁସେନା ଅଫିସର ମିରାଜ 2000ର ପାଇଲଟ ଥିଲେ ।
