ପାଟନା: ଆରଜେଡି ନେତା ତେଜପ୍ରତାପ ଯାଦବ ଅଜବ ବୟାନ ଦେଇ ପୁଣି ଚର୍ଚ୍ଚାରେ । ସେ କହିଛନ୍ତି ମୋ ସାନ ଭାଇ ତେଜସ୍ବୀ ଯାଦବ ଯେବେ ବିହାରର ମୁଖ୍ୟମନ୍ତ୍ରୀ ହେବେ ମୁଁ ବଂଶୀ ବାଦନ କରିବି ।
ସମସ୍ତେ ସବୁବେଳେ ପଚାରନ୍ତି ମୁଁ କେବେ ବଂଶୀ ବଜାଇବି । ମୁଁ ଏହା କହିବାକୁ ଚାହେଁ ମୋ ସାନ ଭାଇ ବିହାରର ମୁଖ୍ୟମନ୍ତ୍ରୀ ହେଲେ ମୁଁ ବଂଶୀ ବଜାଇବି । ଆଜି ବେରୋଜଗାରୀ ହଟାଓ ରାଲିରେ ସେ ଏପରି ମତ ରଖିଛନ୍ତି । ଆମର ଶତ୍ରୁ ଆମ ପରିବାରକୁ ଅଲଗା କରିବାକୁ ଚେଷ୍ଟା କରୁଛନ୍ତି । କିନ୍ତୁ ତାହା କେବେ ସମ୍ଭବ ହେବ ନାହିଁ ।
ବେରୋଜଗାରୀ ହଟାଓ ଯାତ୍ରା ଆରଜେଡି ପକ୍ଷରୁ ଆୟୋଜିତ କରାଯାଇଛି । ତେଜସ୍ବୀ ଯାଦବ ଏହାର ନେତୃତ୍ବ ନେଇଛନ୍ତି । ରାଜ୍ୟର ପ୍ରତିଟି ଜିଲ୍ଲାରେ ଏହି ରାଲିର ଆୟୋଜନ କରାଯିବ ।
@ANI
