ନୂଆଦିଲ୍ଲୀ: 2 ଅକ୍ଟୋବର ତଥା ଗାନ୍ଧୀ ଜୟନ୍ତୀ ପର୍ଯ୍ୟନ୍ତ କୃଷି ଆଇନକୁ ପ୍ରତ୍ୟାହାର ପାଇଁ ସରକାରଙ୍କୁ ସମୟସୀମା ଦେଲେ କୃଷିକ ନେତା ରାକେଶ ଟିକାୟତ । କୌଣସି ଚାପର ବଶବର୍ତ୍ତୀ କିମ୍ବା ବାଧ୍ୟବାଧ୍ୟକତାରେ ଆମେ କେନ୍ଦ୍ର ସରକାରଙ୍କ ସହ ଆଲୋଚନା କରିବୁ ନାହିଁ ବୋଲି କହିଛନ୍ତି ।
ଆଜି ସାରା ଭାରତରେ କୃଷକ ମାନେ ନୂତନ କୃଷି ଆଇନକୁ ବିରୋଧ କରି 3 ଘଣ୍ଟା ଚକା ଜାମ ଡାକରା ଦେଇଛନ୍ତି । ଦିଲ୍ଲୀ ପଞ୍ଜାବ, ହରିୟାଣା ସମେତ ସାରା ଭାରତରେ କୃଷକଙ୍କ ଏହି ଆନ୍ଦୋଳନ ଚାଲିଛି । 2 ଅକ୍ଟୋବର ତଥା ଗାନ୍ଧୀ ଜୟନ୍ତୀ ପର୍ଯ୍ୟନ୍ତ କୃଷି ଆଇନକୁ ପ୍ରତ୍ୟାହାର କରିବା ପାଇଁ କେନ୍ଦ୍ର ସରକାରକୁ ସମୟସୀମା ଦେଇଛି ଭାରତୀୟ କିଷାନ ୟୁନିୟନ । ଭାରତ କିଷାନ ୟୁନିୟନ ନେତା ତଥା କୃଷକ ନେତା ରାକେଶ ଟିକାୟତ କହିଛନ୍ତି ଯେ କେନ୍ଦ୍ର ସରକାର ଆଣିଥିବା ଏହି ତିନୋଟି ନୂତନ କୃଷି ଆଇନକୁ ପ୍ରତ୍ୟାହାର ନ କରିବା ପର୍ଯ୍ୟନ୍ତ ସରକାରଙ୍କ ସହ କୌଣସି ଆଲୋଚନା କରିବୁ ନାହିଁ। ଆମେ ସରକାରଙ୍କ କୌଣସି ଚାପର ବଶବର୍ତ୍ତୀ କିମ୍ବା ବାଧ୍ୟବାଧକତାରେ ଆଲୋଚନା କରିବୁ ନାହିଁ । ଯଦି ସରକାର ଆଇନ ପ୍ରତ୍ୟାହାର ନ କରନ୍ତି ତେବେ ଆମେ ଅନ୍ୟ କାର୍ଯ୍ୟପନ୍ଥା ଅବଲମ୍ବନ କରିବୁ ବୋଲି ଚାଷୀ ନେତା ରାକେଶ ଟିକାୟତ କହିଛନ୍ତି ।
କେନ୍ଦ୍ର ସରକାରି ଆଣିଥିବା ନୂତନ କୃଷି ଆଇନକୁ ନେଇ ଦୀର୍ଘ 71 ଦିନ ହେଲା ଦିଲ୍ଲୀର ବିଭିନ୍ନ ବୋର୍ଡର ଅଞ୍ଚଳରେ କୃଷକମାନେ ଆନ୍ଦୋଳନ ଜାରି ରଖିଛନ୍ତି । ଏହି ଆଇନକୁ ପ୍ରତ୍ୟାହାର କରିବା ପାଇଁ ଚାଷୀମାନେ ସରକାରଙ୍କ ଆଗରେ ଅଡି ବସିଛନ୍ତି । ଗଣତନ୍ତ୍ର ଦିବସ ଦିନ ତଥା ଜାନୁୟାରୀ 26 ତାରିଖ ଦିନ ଟ୍ରାକ୍ଟର ପରେଡ କରି ନୂଆଦିଲ୍ଲୀରେ ହିଂସା ସୃଷ୍ଟି ହୋଇଥିଲା । ଦେଶର ଐତିହ୍ୟସ୍ଥଳ ଲାଲକିଲ୍ଲାରେ ହିଂସା ସୃଷ୍ଟି କରିଥିଲେ । ଏହା ପରେ ସରକାର ଚାଷୀ ଆନ୍ଦୋଳନକୁ ନେଇ ପୋଲିସ ସୁରକ୍ଷା ବ୍ୟବସ୍ଥାକୁ କଡାକଡି କରିଛନ୍ତି ।
@ANI
