ଗାନ୍ଧୀନଗର: କେନ୍ଦ୍ରଶାସିତ ଅଞ୍ଚଳ ଦାଦରା ଓ ନଗର ହାବେଳୀରେ ଅଘଟଣ । ସିଲଭାସା ସହରରେ ଏକ ନିର୍ମାଣାଧୀନ ଫ୍ୟାକ୍ଟ୍ରିର କାନ୍ଥ ପଡି 5 ଜଣ ଶ୍ରମିକଙ୍କର ମୃତ୍ୟୁ ହୋଇଛି ।
ସିଲଭାସାରୁ 16 କିଲୋମିଟର ଦୂର ସୁରଙ୍ଗୀ ଗାଁରେ ଏହି ଦୁର୍ଘଟଣା ଘଟିଥିବା ଖାନଭେଲ ଥାନାଧିକାରୀ ହରିଶ ରାଠୋର ସୂଚନା ଦେଇଛନ୍ତି । ମୃତ ଶ୍ରମିକମାନେ ଜଣେ କଣ୍ଟ୍ରାକ୍ଟର ଅଧିନରେ କାମ କରୁଥିବାବେଳେ ଫ୍ୟାକ୍ଟ୍ରି କାନ୍ଥକୁ ଲାଗି ଏକ ଅସ୍ଥାୟୀ ଘରେ ରହୁଥିଲେ ।
ପ୍ରବଳ ବର୍ଷା ଯୋଗୁଁ କାନ୍ଥଟି ଭୁଷୁଡି ପଡିଥିଲା । ଫଳରେ ଶୋଇଥିବା ଅବସ୍ଥାରେ ହିଁ ଶ୍ରମିକଙ୍କ ମୃତ୍ୟୁ ହୋଇଯାଇଛି । ଅନ୍ୟପକ୍ଷେ ଆହତ ଆଉ 2 ଶ୍ରମିକଙ୍କୁ ନିକଟସ୍ଥ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ଜଣାପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
