ଜୟପୁର: ବିବାହିତା ମହିଳାଙ୍କ ସହ ସମ୍ପର୍କ ରଖିବା ପଡିଲା ମହଙ୍ଗା । ଗ୍ରାମବାସୀ ଯୁବକଙ୍କୁ ଜବରଦସ୍ତ ପିଆଇଲେ ପରିସ୍ରା । ଏପରି ଏକ ଘଟଣା ଘଟିଛି ରାଜସ୍ଥାନ ସିରୋହି ଅଞ୍ଚଳରେ । ପୋଲିସ୍ ଷ୍ଟେସନ୍ ସବ୍-ଇନ୍ସପେକ୍ଟର ପୁରା ରାମ ଡାହିଆ ମଧ୍ୟସ୍ଥିମାନଙ୍କ ସହ କଥାବାର୍ତ୍ତା କରି କହିଛନ୍ତି ଯେ ସୁମେରପୁର ଥାନାରେ ଏହି ମାମଲାରେ ପାଞ୍ଚ ଜଣଙ୍କ ବିରୋଧରେ ଏଫ୍ଆଇଆର୍ ଦାଖଲ କରାଯାଇଛି ।
ଘଟଣାସ୍ଥଳରେ ପ୍ରାୟ 13 ରୁ 15 ଜଣ ଲୋକ ଉପସ୍ଥିତ ଥିଲେ । ଯେଉଁମାନେ ଯୁବକଙ୍କୁ ଏଭଳି ନିର୍ଯାତନା ଦେଉଥିଲେ । ବର୍ତ୍ତମାନ ଅଭିଯୁକ୍ତଙ୍କୁ ଖୋଜାଖୋଜି ଚାଲିଥିବା କହିଛନ୍ତି ଡାହିଆ ।
ଜଣେ ବିବାହିତା ମହିଳାଙ୍କ ସହ ଏହି ଯୁବକଙ୍କର ଶାରୀରିକ ସମ୍ପର୍କ ଥିବା କୁହାଯାଉଛି । ଯୁବକ ଜଣକ ମହିଳାଙ୍କ ଶାଶୁଘରକୁ ମଧ୍ୟ ଯିବାଆସିବା କରୁଥିଲେ । ଏହି ସମସ୍ୟାର ସମାଧାନ ବାହାନାରେ ଗ୍ରାମବାସୀ ଯୁବକଙ୍କୁ ଗାଁକୁ ଡାକି ଏଭଳି ନିର୍ଯାତନା ଦେଇଥିଲେ । ଏକ ଗୋଷ୍ଠୀ ତାଙ୍କୁ ପରିସ୍ରା ପିଇବାକୁ ବାଧ୍ୟ କରିଥିଲେ।
ବ୍ୟୁରୋ ରିପୋର୍ଟ,ଇଟିଭି ଭାରତ
