ଡେରାଡୁନ: ଉତ୍ତରାଖଣ୍ଡର ପ୍ରସିଦ୍ଧ ହ୍ରଦ ତେହରୀ ହ୍ରଦର ଜଳସ୍ତର ଧିରେ ଧିରେ କମିବାରେ ଲାଗିଛି । ଫଳରେ ଏହା ଦେଖି ସ୍ଥାନୀୟ ବାସିନ୍ଦାଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଛି । ସ୍ଥାନୀୟ ଅଞ୍ଚଳରେ ଭୂକମ୍ପର ସମ୍ଭାବନା ରହୁଥିବା ନେଇ ଗ୍ରାମବାସୀ ମାନେ ଅଭିଯୋଗ କରିଛନ୍ତି ।
ସେମାନେ ରାଜ୍ୟ ସରକାରଙ୍କୁ ବାରମ୍ବାର ଏନେଇ ସୂଚନା ମଧ୍ୟ ଦେବା ସହିତ ଅଭିଯୋଗ କରି ଆସୁଛନ୍ତି । ସେମାନଙ୍କୁ ହ୍ରଦ ନିକଟରୁ ଅନ୍ୟତ୍ର ସ୍ଥାନାନ୍ତର କରିବାକୁ ବାରମ୍ବାର ଅନୁରୋଧ କରୁଥିଲେ ମଧ୍ୟ ସରକାର ସେମାନଙ୍କର ଅନୁରୋଧକୁ ଅଣଦେଖା କରୁଥିବା ଗ୍ରାମବାସୀମାନେ ଅଭିଯୋଗ କରିଛନ୍ତି ।
ଗ୍ରାମବାସୀମାନେ କହିଛନ୍ତି କି, ବର୍ଷା ସମୟରେ ରାତି ଉଜାଗର ରହୁଛନ୍ତି । ଅତ୍ୟଧିକ ବର୍ଷା ହେଲେ କୌଣସି ପ୍ରକାର ବିପତ୍ତି ମାଡ଼ି ଆସିବା ଭୟରେ ସେମାନେ ଏଭଳି କରୁଥିବା ଗ୍ରାମବାସୀ କହିଛନ୍ତି । ସେମାନେ ଦୀର୍ଘ 3 ବର୍ଷ ଧରି ସେମାନେ ବିସ୍ଥାପନ ପାଇଁ ଅନୁରୋଧ କରି ଆସୁଛନ୍ତି । ମାତ୍ର ସରକାର ଏନେଇ ଅଣଦେଖା କରୁଥିବା ଗ୍ରାମବାସୀମାନେ ଅଭିଯୋଗ କରିଛନ୍ତି ।
ଏନେଇ ଜିଲ୍ଲା ଅଧିକାରୀ କହିଛନ୍ତି କି, ହ୍ରଦ ନିକଟରେ କୌଣସି ପ୍ରକାର ବିପଦକୁ ନେଇ ପ୍ରଶାସନ ସତର୍କ ରହିଛି । ସମସ୍ତ ଉପ ଜିଲ୍ଲା ଅଧିକାରୀମାନଙ୍କୁ ଆଲର୍ଟ ରହିବାକୁ ନିର୍ଦ୍ଦେଶ ଦିଆଯାଇଛି । ଏହା ସତ୍ତ୍ବେ ଯଦି ଗ୍ରାମବାସୀମାନେ କୌଣସି ଅଭିଯୋଗ କରନ୍ତି, ତାହା ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଉକ୍ତ ଜିଲ୍ଲା ଅଧିକାରୀ ଜଣକ ସୂଚନା ଦେଇଛନ୍ତି ।
