ଢେଙ୍କାନାଳ: ଗାଁରେ ପଶିଲା ହାତୀ । ଭିଡିଓ ଭାଇରାଲ । ଢେଙ୍କାନାଳ ଜିଲ୍ଲା ମହାବିରୋଡ ରେଞ୍ଜ ଅନ୍ତର୍ଗତ କୁଆଳୁ ପଞ୍ଚାୟତ ପରମହଂସପୁର ଗାଁରେ ସିସିଟିଭିରେ କଏଦ ହେଲା ହାତୀର ଗତିବିଧି । ରାତି ଅଧରେ ଗାଁ ଭିତରେ ପଶି ଗାଁ ଦାଣ୍ଡରେ ଚଲାବୁଲା କରୁଥିବାର ସିସିଟିଭି ଫୁଟେଜରେ କଏଦ ହେବାର ଦୃଶ୍ୟ ଏବେ ଭାଇରାଲ ହେବାର ଲାଗିଛି।
ଗାଁରେ ପଶିଲା ହାତୀ ଭିଡିଓ ଭାଇରାଲ
ସିସିଟିଭି ଫୁଟେଜ ଅନୁୟାୟୀ ମହାବିରୋଡ ରେଞ୍ଜ ଅନ୍ତର୍ଗତ କୁଆଳୁ ପଞ୍ଚାୟତ ପରମହଂସପୁର ଗାଁରେ ରାତି ପ୍ରାୟ 1.32 ମିନିଟ ସମୟରେ ଜଣେ ଲୋକଙ୍କ ଘରର ଗେଟ ନିଜ ଶୁଣ୍ଢ ସାହାଯ୍ୟରେ ଖୋଲିବାକୁ ଚେଷ୍ଟା କରୁଛି ହାତୀଟି । କିଛି ସମୟ ଚେଷ୍ଟା କରି ବିଫଳ ହେବା ପରେ ଫେରିଯାଉଛି । ବାରମ୍ବାର ଏହି ଅଞ୍ଚଳରେ ହାତୀ ଉପଦ୍ରବ କରୁଥିବା ବେଳେ ଲୋକେ ଆତଙ୍କିତ ଅବସ୍ଥାରେ ଅଛନ୍ତି । ହାତୀ ଘଉଡାଇବା ପାଇଁ ଏହି ଅଞ୍ଚଳର ଲୋକେ ବାରମ୍ବାର ଦାବି ହୋଇ ଆସୁଛି । କିନ୍ତୁ ବନବିଭାଗ ପକ୍ଷରୁ ଆବଶ୍ୟକ ପଦକ୍ଷେପ ନିଆ ଯାଉନଥିବାରୁ ଜନ ଅସନ୍ତୋଷ ବୃଦ୍ଧି ପାଇବାରେ ଲାଗିଛି।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
