ଗାନ୍ଧୀନଗର: ଚୋର ଓ ପୋଲିସ ଖେଳ। ଏହି ଖେଳରେ ଚୋର ଧରାପଡିବା ପରେ ପୋଲିସ ପାଇଁ ତାହା ବିପଦ ସୃଷ୍ଟି କରିଛି। କାରଣ ଚୋରଟି କୋରୋନା ପଜିଟିଭ୍ ଥିବା ବେଳେ ପୋଲିସ କନେଷ୍ଟବଳ ଜଣଙ୍କ ମଧ୍ୟ ତାହା ସଂସ୍ପର୍ଶରେ ଆସି ସଂକ୍ରମଣର ଶିକାର ହୋଇଥିବା ସନ୍ଦେହ କରାଯାଉଛି। ଏପରି ଘଟଣା ଦେଖିବାକୁ ମିଳିଛି ଗୁଜୁରାଟ ଭଦୋଦରାରେ।
ସୂଚନା ଅନୁସାରେ, ଆୟୁବ ତାଇ ଓ ତାର ସହଯୋଗୀ ଏକ ପାନ ମସଲା ଦୋକାନରୁ 4,625 ଟଙ୍କାର ସାମଗ୍ରୀ ଚୋରି କରିଥିଲେ। ଏହି ଚୋରଙ୍କୁ ଧରିବା ପାଇଁ ହେଡ୍ କନେଷ୍ଟବଳ ରାଜେନ୍ଦ୍ର ସିଂ ଜାଲା ପହଞ୍ଚିଥିଲେ। ଏହି ସମୟରେ ସେମାନଙ୍କ କୋରୋନା ଭାଇରସ୍ ପାଇଁ ପରୀକ୍ଷା କରାଯାଇଥିବା ବେଳେ ସେମାନେ ପଜିଟିଭ୍ ଆସିଛନ୍ତି। ତେବେ ଉଭୟଙ୍କୁ ଏସଏସଜି ମେଡିକାଲକୁ ଚିକିତ୍ସା ପାଇଁ ପଠାଯାଇଛି।
ତେବେ ଏହି ଚୋରଙ୍କୁ ଧରିବାକୁ ଯାଇଥିବା ସମସ୍ତ ପୋଲିସ କନେଷ୍ଟବଳଙ୍କ କୋରୋନା ଟେଷ୍ଟ ରିପୋର୍ଟ ନେଗେଟିଭ୍ ଆସିଥିବା ବେଳେ କ୍ବାରେନଣ୍ଟାଇନରେ ରଖାଯାଇଛି। ଘଟଣା ପରେ ଡାବୋଇ ପୋଲିସ ଷ୍ଟେସନକୁ ସମ୍ପୂର୍ଣ୍ଣ ଭାବେ ପରିଷ୍କାର କରାଯାଇଥିଲା।
