ଲକ୍ଷ୍ନୌ: ୟୁପିରେ ଥମିବାର ନାମ ନେଉନାହିଁ ଦୁଷ୍କର୍ମ ମାମଲା । ୟୁପି ହାଥରସ ଗଣଦୁଷ୍କର୍ମ ମାମଲାକୁ ନେଇ ଦେଶରେ ଚର୍ଚ୍ଚା ଜୋର ଧରିଥିବାବେଳେ ୟୁପିରେ ପୁଣି ଜଣେ 17 ବର୍ଷୀୟ ଯୁବତୀକୁ ତାଙ୍କ ପଡ଼ୋଶୀ ଏକାଧିକ ଥର ଦୁଷ୍କର୍ମ କରିଥିବା ରବିବାର ପୋଲିସ କହିଛି ।
ପୋଲିସ କହିବା ଅନୁଯାୟୀ, ପିଡିତା ମାଆଙ୍କ ଅଭିଯୋଗ ଆଧାରରେ 20 ବର୍ଷୀୟ ଅଭିଯୁକ୍ତ ନାମରେ ମାମଲା ରୁଜୁ ହୋଇଛି । ଗତ ଦେଢ ବର୍ଷ ଧରି ପଡୋଶୀ ଘରର 20 ବର୍ଷୀୟ ଯୁବକ ତାଙ୍କ ଝିଅ ସହ ବାରମ୍ବାର ଦୁଷ୍କର୍ମ କରିଥିଲା । ଅଭିଯୋଗ ଆଧାରରେ ଅଭିଯୁକ୍ତଙ୍କ ବିରୋଧରେ ଥାନାରେ ଏକ ମାମଲା ରୁଜୁ କରାଯାଇଛି । ପିଡିତାଙ୍କ ଡାକ୍ତରୀ ମାଇନା ପାଇଁ ପଠାଯାଇଛି । ଏଥିସହ ଅଭିଯୁକ୍ତକୁ ଗିରଫ କରିବା ପାଇଁ ଉଦ୍ୟମ ଜାରି ରହିଥିବା ପୋଲିସ କହିଛି।
