ୱାଶିଂଟନ: ସୋମବାର ଭାରତ ଉପରେ ଗୁରୁତର ଅଭିଯୋଗ ଆଣି ଭାରତୀୟ ସ୍ବତନ୍ତ୍ର ବିମାନ ଉଡାଣକୁ ବନ୍ଦ କରିଦେଇଛି ଆମେରିକା। ଭାରତ-ଆମେରିକା ବିମାନ ଚୁକ୍ତିନାମା ଅନୁଯାୟୀ ଏକ ଅନୁଚିତ ଏବଂ ଭେଦଭାବ ନୀତି ଆପଣାଇଥିବା ଅଭିଯୋଗ କରିଛି ଆମେରିକା ।
ପରିବହନ ବିଭାଗ ଅଭିଯୋଗ କରିଛି ଯେ, କୋରୋନା ଭାଇରସ କାରଣରୁ ବିମାନ ଉପରେ ରୋକ ଲାଗିବା ସତ୍ତ୍ବେ ଭାରତୀୟଙ୍କୁ ସ୍ବଦେଶ ଫେରାଇ ନେବାକୁ ଏୟାର ଇଣ୍ଡିଆ ସ୍ବତନ୍ତ୍ର ବିମାନ ଚଳାଚଳ କରୁଛି । ଅନ୍ୟପକ୍ଷରେ ଏୟାର ଇଣ୍ଡିଆ ମଧ୍ୟ ଲୋକଙ୍କୁ ଟିକେଟ ବିକ୍ରି କରୁଛି ।
ଏଥି ସହିତ ବିମାନ ଚଳାଚଳ ନିୟମର ଉଲ୍ଲଂଘନ କରିଥିବା ଅଭିଯୋଗ କରିବା ସହ ଆମେରିକୀୟ ବିମାନ ଭାରତକୁ ଉଡାଣ ଭରିବା ଉପରେ ମଧ୍ୟ ରୋକ ଲଗାଯାଇଛି । ଏହି ଆଦେଶ ଆସନ୍ତା 30 ଦିନ ମଧ୍ୟରେ ଏହି ନିର୍ଦ୍ଦେଶ କାର୍ଯ୍ୟକାରୀ ହେବ ବୋଲି ବିଭାଗ କହିଛି ।
ଏୟାର ଇଣ୍ଡିଆ ବିମାନ ଉଡାଣ ଭରିବା ପୂର୍ବରୁ ଆନୁଷ୍ଠାନିକ ଭାବେ ପରିବହନ ବିଭାଗରେ ଆବେଦନ କରିବା ଉଚିତ। ବିଭାଗ କହିଛିଯେ, ଆମେରିକାର ଉଡାଣ ଉପରେ ଚୀନ ରୋକ ହଟାଇବା ପରେ ପୁଣି ଲଗାଯାଇଥିବା ରୋକ ଉପରେ ପୁନଃ ବିଚାର କରାଯିବ ।
