‘ନ୍ୟାସନାଲ ଟେଷ୍ଟ ଅଭ୍ୟାସ୍’ ଆପ ଲଞ୍ଚ କଲେ କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ

ଏନଟିଏ ଦ୍ୱାରା ବିକଶିତ ହୋଇଥିବା ‘ନ୍ୟାସନାଲ ଟେଷ୍ଟ ଅଭ୍ୟାସ୍’ ନାମକ ଏକ ନୂଆ ମୋବାଇଲ୍ ଆପ୍ ଲଞ୍ଚ କରିଛନ୍ତି ମାନବ ସମ୍ବଳ ବିକାଶ ମନ୍ତ୍ରୀ ରମେଶ ପୋଖରିଆଲ ନିଶାଙ୍କ ।

ନୂଆଦିଲ୍ଲୀ: ‘ନ୍ୟାସନାଲ ଟେଷ୍ଟ ଅଭ୍ୟାସ୍’ ନାମକ ଆପ ଲଞ୍ଚ କଲେ କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ରମେଶ ପୋଖରିଆଲ ନିଶାଙ୍କ । ଏନଟିଏ ଦ୍ୱାରା ବିକଶିତ ହୋଇଥିବା ‘ନ୍ୟାସନାଲ ଟେଷ୍ଟ ଅଭ୍ୟାସ୍’ ନାମକ ଏକ ନୂଆ ମୋବାଇଲ୍ ଆପ୍ ଲଞ୍ଚ କରିଛନ୍ତି ମାନବ ସମ୍ବଳ ବିକାଶ ମନ୍ତ୍ରୀ ରମେଶ ପୋଖରିଆଲ ନିଶାଙ୍କ ।

ମାନବ ସମ୍ବଳ ବିକାଶ ମନ୍ତ୍ରଣାଳୟ ପକ୍ଷରୁ କରାଯିବା ଏକ ଟ୍ବିଟ ଅନୁଯାୟୀ, ଏହି ଆପ୍ ଛାତ୍ରଛାତ୍ରୀମାନଙ୍କୁ ଏନଟିଏ ପରିପ୍ରେକ୍ଷୀରେ ଜେଇଇ ମେନ, ଏନଇଇଟି ପରି ଆଗାମୀ ପରୀକ୍ଷା ପାଇଁ ମକ୍ ଟେଷ୍ଟ ନେବାକୁ ସକ୍ଷମ କରିବାରେ ସାହାଯ୍ୟ କରିବ । ଏହି ଆପ୍ କିପରି କାମ କରେ ସେନେଇ ଏକ ଭିଡିଓ ଟ୍ବିଟରରେ ରିଲିଜ କରାଯାଇଛି ।

- ଛାତ୍ରଛାତ୍ରୀମାନେ ଉଚ୍ଚମାନର ମକ୍ ଟେଷ୍ଟିଙ୍ଗ ବ୍ୟବହାର କରିପାରିବେ । ଏହି ଉପାୟରେ ସେମାନେ ଘରେ ରହି ସୁରକ୍ଷା ନିୟମ ପାଳନ କରିପାରିବେ ଏବଂ ଶିକ୍ଷାଅନୁଷ୍ଠାନ ଏନଟିଏର ଟେଷ୍ଟ-ପ୍ରାଟିସ ସେଣ୍ଟର (ଟିପିସି) ବନ୍ଦ ଥିବାରୁ ତାହାର ଅଭାବ ପୂରଣ କରିପାରିବେ ।

-ଏପରିକି ଛାତ୍ରଛାତ୍ରୀମାନେ ଏହି ଆପ ଦ୍ବାରା ପରୀକ୍ଷା ମଧ୍ୟ ଦେଇପାରିବେ । ଯାହା ସେମାନଙ୍କୁ ଆଗକୁ ଆସୁଥିବା ଜେଇଇ, ଏନଇଇଟି ଏବଂ ଅନ୍ୟାନ୍ୟ ପ୍ରତିଯୋଗିତା ପରୀକ୍ଷା ପାଇଁ ପ୍ରସ୍ତୁତ ହେବାରେ ସାହାଯ୍ୟ କରିବ ।

-ଏହି ପରୀକ୍ଷା ଆପରେ ଅନଲାଇନ ଦ୍ବାରା ହେବ । ଯାହାକୁ ସହଜରେ ଡାଉନଲୋଡ୍ କରିପାରିବ ଏବଂ ତାପରେ ଛାତ୍ରଛାତ୍ରୀମାନେ ଏହି ପରୀକ୍ଷାଗୁଡ଼ିକୁ ଅଫଲାଇନରେ ମଧ୍ୟ ଦେଇପାରିବେ ।

- ଏହି ଆପ୍ ଆଣ୍ଡ୍ରଏଡ୍ ସ୍ମାର୍ଟଫୋନ୍ ଏବଂ ଟାବଲେଟରେ କାମ କରେ । ଯାହାକୁ ଗୁଗୁଲ୍ ପ୍ଲେ ଷ୍ଟୋରରୁ ଡାଉନଲୋଡ୍ କରିହେବ । ଏହି ଆପ୍ ଖୁବଶୀଘ୍ର iOSରେ ଉପଲବ୍ଧ ହେବ ।

କିପରି ଏହି ଟେଷ୍ଟ ସମ୍ପୂର୍ଣ୍ଣ ପ୍ରକ୍ରିୟା କାର୍ଯ୍ୟ କରେ?

ଏନଟିଏ ପ୍ରତିଦିନ ଗୋଟିଏ ମକ୍ ଟେଷ୍ଟ ଅପଲୋଡ୍ କରିବ । ଛାତ୍ରଛାତ୍ରୀମାନେ ଏହାକୁ ଡାଉନଲୋଡ କରି ଅଫଲାଇନରେ ଏହି ଟେଷ୍ଟ ଦେଇପାରିବେ । ଛାତ୍ରଛାତ୍ରୀମାନେ ସେମାନଙ୍କ ପରୀକ୍ଷା ଦେଇସାରିବା ପରେ ସେମାନେ ରିପୋର୍ଟକୁ ଅପଲୋଡ ନଚେତ ସବମିଟ କରିପାରିବେ ଏବଂ ସେମାନଙ୍କର ପରୀକ୍ଷା ରିପୋର୍ଟ ପାଇପାରିବେ । ଏନଟିଏ ମକ୍ ଟେଷ୍ଟ୍ ଆପ୍ ପରୀକ୍ଷା ରିପୋର୍ଟ ଛାତ୍ରଛାତ୍ରୀଙ୍କ ଫର୍ମମାନ୍ସ ଅନୁଯାୟୀ ଆସିବ ।

ଏହି ସମ୍ପୂର୍ଣ୍ଣ ପ୍ରକ୍ରିୟା ବିନ ଇଣ୍ଟରନେଟ୍ ସଂଯୋଗ ମାଧ୍ୟମରେ ହେବ । ଏଥିସହ ଏହା ଇଣ୍ଟରନେଟ୍ ଭଲ ଚାଲୁନଥିବା ଅଞ୍ଚଳ ଛାତ୍ରଛାତ୍ରୀଙ୍କ ପାଇଁ ଲାଭ ଦାୟକ ପ୍ରମାଣ ହେବ ଏବଂ ଅନଲାଉନ ପରୀକ୍ଷା ପ୍ରସ୍ତୁତିରେ ବାଧା ଦୂର କରିବ | ଏନଟିଏ ପ୍ରଥମ ସାତ ଦିନ ପାଇଁ ସକାଳ 10 ଟାରୁ ମଧ୍ୟରାତ୍ର ପର୍ଯ୍ୟନ୍ତ ଲାଇଭ୍ ସପୋର୍ଟ ମଧ୍ୟ ପ୍ରତିଷ୍ଠା କରିଛି ମାନବ ସମ୍ବଳ ମନ୍ତ୍ରୀ କହିଛନ୍ତି।

କାର୍ଯ୍ୟକ୍ରମ ବିଷୟରେ ମାନବ ସମ୍ବଳ ମନ୍ତ୍ରୀ ଆହୁରୀ ମଧ୍ୟ କହିଛନ୍ତି , ଏହି ଆପ ଲଞ୍ଚ କରିବା ବିଷେଷତ୍ବ ହେଉଛି କୌଣସି ଛାତ୍ରଛାତ୍ରୀ ଯେପରି ଏହି ପରୀକ୍ଷା ଦେବାରୁ ବଞ୍ଚିତ ନହୁଏନ୍ତି । ସାଧାରଣତଃ ଏହା ସେହି ଛାତ୍ରଛାତ୍ରୀଙ୍କ ପାଇଁ ଅଟେ ଯେଉଁମାନେ ଲକଡାଉନ କାରଣରୁ ଏନଟିଏର ଟେଷ୍ଟ ପ୍ରାଟିସ ପାଇଁ ବହୁ କ୍ଷତି ସହିଛନ୍ତି । ଛାତ୍ରଛାତ୍ରୀଙ୍କୁ ଏହି ସୁବିଧା ଯୋଗାଇବା ପାଇଁ ଭାରତ ଆଗେଇ ଆସିଛି ।