ନୂଆଦିଲ୍ଲୀ: ଆଜି କେନ୍ଦ୍ର କ୍ୟାବିନେଟର ଏକ ଗୁରୁତ୍ବପୂର୍ଣ୍ଣ ବୈଠକ ଅନୁଷ୍ଠିତ ହେବ । ଦିନ1ଟା ବେଳେ ଅନୁଷ୍ଠିତ ହେବାକୁ ଥିବା ଏହି ବୈଠକ ଭିଡିଓ କନଫରେନ୍ସିଂ ମାଧ୍ୟମରେ କରାଯିବ । ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ କେନ୍ଦ୍ର ମନ୍ତ୍ରୀମଣ୍ଡଳର ସଦସ୍ୟମାନେ ଯୋଗଦେବେ । ଦେଶରେ କୋରୋନା ମହାମାରୀ ମୁକାବିଲା ନିମନ୍ତେ ଏହି ବୈଠକରେ ବିଭିନ୍ନ ଗୁରୁତ୍ବପୂର୍ଣ୍ଣ ନିଷ୍ପତ୍ତି ନିଆଯାଇପାରେ ।
ଗତ କ୍ୟାବିନେଟ ବୈଠକ ମାର୍ଚ୍ଚ 25ରେ ଜାତୀୟ ରାଜଧାନୀର 7 ଲୋକ କଲ୍ୟାଣ ମାର୍ଗରେ ଅନୁଷ୍ଠିତ ହୋଇଥିଲା । ଏଥିରେ ପ୍ରଧାନମନ୍ତ୍ରୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅଧ୍ୟକ୍ଷତା କରିଥିଲା ବେଳେ ମନ୍ତ୍ରୀମାନେ ସାମାଜିକ ଦୂରତା ଉପରେ ନଜର ରଖିଥିଲେ । ଯାହାକି COVID-19 ବିରୋଧରେ ଏକ ସତର୍କତା ।
କୋରୋନା ଭାଇରସ ସଂକ୍ରମଣ ରୋକିବାକୁ ପ୍ରଧାନମନ୍ତ୍ରୀ ମୋଦି ଗତ ମାସରେ 21 ଦିନିଆ ଲକ ଡାଉନ କରିବାକୁ ଆହ୍ବାନ ଦେଇଥିଲେ । ଏହା ସହିତ ସାମାଜିକ ଦୂରତା ଏହି ରୋଗର ମୁକାବିଲା ପାଇଁ ଏକମାତ୍ର ବିକଳ୍ପ ବୋଲି ପ୍ରକାଶ କରିଥିଲେ । ବର୍ତ୍ତମାନ ସୁଦ୍ଧା ଭାରତରେ କୋରୋନା ପାଇଁ 109 ଜଣଙ୍କ ମୃତ୍ୟୁ ହୋଇଥିବା ବେଳେ ପଜିଟିଭ ସଂଖ୍ୟା 3672 ରହିଛି ।
@ANI
