କୋଲକାତା: ପୋଲିସ ୟୁନିଫର୍ମରେ ମନ୍ତ୍ରୀଙ୍କ ପାଦ ଛୁଇଁ ବିବାଦରେ ପଶ୍ଚିମବଙ୍ଗ ପୋଲିସର ଜଣେ ଏଏସଆଇ । କୃଷିମନ୍ତ୍ରୀ ଆଶିଷ ବନ୍ଦୋପାଧ୍ୟାୟଙ୍କର ପାଦ ଛୁଇଁ ବୀରଭୂମ ଜିଲ୍ଲା ରାମପୁରହାଟର ଏଏସଆଇ ରଞ୍ଜନ ଦତ୍ତ ବିବାଦରେ ଫସିଛନ୍ତି ।
ରବିବାର, ଏକ କାର୍ଯ୍ୟକ୍ରମରେ ଏଏସଆଇ ରଞ୍ଜନ ଦତ୍ତଙ୍କୁ ମନ୍ତ୍ରୀ ସମ୍ବର୍ଦ୍ଧନା କରିବା ଅବସରରେ ଏଏସଆଇ ତାଙ୍କ ପାଦ ଛୁଉଁଥିବାର ଭିଡିଓ ଭାଇରାଲ ହୋଇଛି । ଯାହାକୁ ନେଇ ରାଜ୍ୟରେ ରାଜନୀତି ତେଜିଛି । ବିଜେପି ଓ କଂଗ୍ରେସ ଏନେଇ ମନ୍ତ୍ରୀଙ୍କୁ ଘେରିଛନ୍ତି । ଏହାଦ୍ବାରା ପୋଲିସ ପ୍ରତି ଥିବା ସମ୍ମାନ ହାନି ହେଉଛି ବୋଲି ଦୁଇ ଦଳ ଅଭିଯୋଗ କରିଛନ୍ତି ।
ସେପଟେ ମୁଁ ତାଙ୍କୁ ଏପରି କରିବାକୁ କହିନଥିଲି, ସେ ଏପରି କାହିଁକି କଲେ ବୋଲି ଏହାର ଜବାବ ଦେଇ କୃଷିମନ୍ତ୍ରୀ କହିଛନ୍ତି ।
ସୌଜନ୍ୟ: ପିଟିଆଇ
