ଲକ୍ଷ୍ନୌ: ଅଯୋଧ୍ୟାରେ ରାମ ମନ୍ଦିର ନିର୍ମାଣକୁ ନେଇ ରାଜନିତୀ ପୁଣି ଉଷ୍ମ ହେବାରେ ଲାଗିଛି । ଏପରି ସ୍ଥିତିରେ ଶିବସେନା ପ୍ରମୁଖ ଉଦ୍ଧବ ଠାକରେ ନିଜର 18 ସାଂସଦଙ୍କ ସହିତ ରବିବାର ଅଯୋଧ୍ୟା ପହଞ୍ଚିବେ । ଉଦ୍ଧବଙ୍କ ବାରମ୍ବାର ଅଯୋଧ୍ୟା ଗସ୍ତ ରାମ ମନ୍ଦିର ନିର୍ମାଣକୁ ନେଇ ମୋଦି ସରକାରଙ୍କ ଉପରେ ଚାପ ପକାଇବାର ସଙ୍କେତ ଦେଉଛି ।
ଲୋକସଭା ନିର୍ବାଚନ ପୂର୍ବରୁ ଉଦ୍ଧବ ନିଜ ପରିବାର ସହିତ ଅଯୋଧ୍ୟା ଗସ୍ତ କରିବା ସହ ମନ୍ଦିର ନିର୍ମାଣକୁ ନେଇ ମୋଦି ସରକାରଙ୍କୁ କାଠଗଡାରେ ଛିଡା କରିଥିଲେ । ଏବେ ପୁଣି ଥରେ ଉଦ୍ଧବ ଶିବସେନାର 18 ସାଂସଦଙ୍କ ସହ ଅଯୋଧ୍ୟା ଯାଉଛନ୍ତି ।
ରାମ ରାଜନୀତିର ବିଷୟ ନୁହେଁ ଓ ଶିବସେନା ରାମଙ୍କ ନାମ ଉପରେ କେବେ ଭୋଟ ମାଗିବ ନାହିଁ ବୋଲି ପୂର୍ବରୁ ଅଯୋଧ୍ୟା ଗସ୍ତ ସମୟରେ ଉଦ୍ଧବ କହିଥିଲେ ।
