ମୁମ୍ବାଇ: ରାଜସ୍ଥାନରେ ଚାଲିଥିବା ରାଜନୈତିକ ସଙ୍କଟ ମଧ୍ୟରେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ କହିଛନ୍ତି, ‘ଯିଏ ମୋ ସରକାରକୁ ହଟାଇବାକୁ ଚାହୁଁଛି ହଟାନ୍ତୁ, ମୁଁ ବି ଦେଖିବି। ଅପେକ୍ଷା କାହାର । ଏବେ ସରକାରକୁ ହଟାନ୍ତୁ । ସରକାରଙ୍କ ଗାଡିର ତିନି ଚକିଆ ଯାନ, କିନ୍ତୁ ଏହା ଗରିବଙ୍କ ବାହନ । ଆଉ ଷ୍ଟିଅରିଂ ମୋ ହାତରେ ଅଛି । ଯଦି ମୋତେ ବୁଲେଟ୍ ଟ୍ରେନ୍ କିମ୍ବା ରିକ୍ସା ମଧ୍ୟରେ ବାଛିବାକୁ ପଡିବ, ତେବେ ମୁଁ ରିକ୍ସା ବାଛିବି ’ ।
ସେ କହିଛନ୍ତି, ‘ମୁଁ ଗରିବ ଲୋକଙ୍କ ସହ ଠିଆ ହେବି। ମୁଁ ମୋ ଭୂମିକାରେ ପରିବର୍ତ୍ତନ କରିବି ନାହିଁ । କେହି ଏହା ଭାବିବା ଉଚିତ୍ ନୁହେଁ ଯେ ମୁଁ ମୁଖ୍ୟମନ୍ତ୍ରୀ ହୋଇସାରିଛି ’ଶିବସେନା ମୁଖପତ୍ର ‘ସାମାନା’ରେ ଏହା କହିଛନ୍ତି ଉଦ୍ଧବ ଠାକରେ । ସେ ଏହା ମଧ୍ୟ କହିଛନ୍ତି ଯେ, ମହାରାଷ୍ଟ୍ରର ଅର୍ଥନୀତି ହ୍ରାସ ପାଇଛି କିନ୍ତୁ ଏହାର ବାଟ ନିଶ୍ଚିତ ବାହାରିବ ।
ଅପରେସନ୍ ଲୋଟସ୍ ମହାରାଷ୍ଟ୍ରରେ ସଫଳ ହେବ କି ନାହିଁ ? ଏହି ପ୍ରଶ୍ନର ଉତ୍ତରରେ ମହାରାଷ୍ଟ୍ର ମୁଖ୍ୟମନ୍ତ୍ରୀ କହିଛନ୍ତି ଯେ କରିବା ଆଉ ଦେଖିବା । ମୁଁ ପୂର୍ବାନୁମାନ କିପରି କରିବି ? ସେ ଏହା ମଧ୍ୟ କହିଛନ୍ତି ଯେ, ଆପଣଙ୍କ ଦଳରେ ଏପରି କଣ ନାହିଁ ଯେ ଆପଣ ଅନ୍ୟ ଦଳକୁ ଯାଉଛନ୍ତି । ଯେଉଁ ସ୍ଥାନରେ ଏସବୁ ହେଉଛି, ସେ ସ୍ଥାନରେ ବ୍ୟବହାର କରନ୍ତୁ ଓ ପରେ ଫୋପାଡି ଦିଅନ୍ତୁ ରଣନୀତି ରହିଛି ।
ତିନି ଚକିଆ ସରକାରଙ୍କ ଦାୟିତ୍ବ ବିଷୟରେ ମୁଖ୍ୟମନ୍ତ୍ରୀ କହିଛନ୍ତି ଯେ ସରକାର ତିନି ଚକିଆ, କିନ୍ତୁ ଏହା ଗରିବଙ୍କ ପାଇଁ ଏକ ଯାନ। ଏହାସହ କେନ୍ଦ୍ର କେତେ ଚକିଆ ସରକାର ପ୍ରଶ୍ନ କରିବାରୁ ସେ କହିଥିଲେ, ଗତ ଏନଡିଏର ବୈଠକରେ 30-35 ଚକ ଦେଖିବାକୁ ପାଇଥିଲି । ଅର୍ଥାତ ପୁରା ରେଳଗାଡି ।
