ମୁମ୍ବାଇ: ମହାରାଷ୍ଟ୍ରର ନକ୍ସଲ ପ୍ରଭାବିତ ଜିଲ୍ଲା ଗଢଚିରୌଲିରେ ନକ୍ସଲ-ପୋଲିସ ମଧ୍ୟରେ ଏନକାଉଣ୍ଟର ହୋଇଛି । ଏଥିରେ 2 ନକ୍ସଲ ନିହତ ହୋଇଥିବା ସୂଚନା ମିଳିଛି । ଗଢଚିରୌଲି ଜିଲ୍ଲାର ନାରକେସା ଜଙ୍ଗଲରେ ଏହି ଏନକାଉଣ୍ଟର ଘଟିଛି । ତେବେ ଘଟଣାସ୍ଥଳରୁ 2 ନକ୍ସଲଙ୍କ ମୃତଦେହ ଜବତ କରିଛି ପୋଲିସ । ସେପଟେ ଅନ୍ୟ 6 ଜଣ ଆହତ ହୋଇଥିବା ଆଶଙ୍କା କରାଯାଉଛି ।
କିଛି ନକ୍ସଲ ଏହି ଜଙ୍ଗଲରେ ଲୁଚି ରହିଥିବା ପୋଲିସକୁ ଗୁଇନ୍ଦା ସୂଚନା ମିଳିଥିଲା । ଏହି ସୂଚନା ଆଧାରରେ ପୋଲିସ ସର୍ଚ୍ଚ ଅପରେଶନ ଆରମ୍ଭ କରିଥିଲା । ପ୍ରଥମେ ନକ୍ସଲମାନେ ପୋଲିସ ଉପରକୁ ଗୁଳି ଚଳାଇବା ପରେ ଉଭୟ ପଟୁ ଗୁଳି ବିନିମୟ ହୋଇଥିଲା ।
ତେବେ ଘଟଣା ସ୍ଥଳରୁ କାର୍ବାଇନ ଅତ୍ୟାଧୁନିକ ବନ୍ଧୁକ ଏବଂ ବଡ ପରିମାଣରେ ଅସ୍ତ୍ରଶସ୍ତ୍ର ଜବତ ହୋଇଥିବା ପୋଲିସ ପକ୍ଷରୁ ସୂଚନା ମିଳିଛି । ଏହି ଅପରେଶନରେ ନକ୍ସଲଙ୍କ ଅନେକ ଶିବିର ମଧ୍ୟ ଧ୍ବଂସ ହୋଇଥିବା ଜଣା ପଡିଛି ।
