ଚେନ୍ନାଇ: ଦେଶରେ ଜନ ପ୍ରତିନିଧିଙ୍କ କୋରୋନା ସଂକ୍ରମଣ ମାମଲା ଦିନକୁ ଦିନ ବଢିବାରେ ଲାଗିଛି । ତାମିଲନାଡୁରେ ଗୁରୁବାର ଆଉ 4 ଜଣ ନେତା କୋରୋନାରେ ଆକ୍ରାନ୍ତ ହୋଇଛନ୍ତି । ତାମିଲନାଡୁର 2 ସାଂସଦ ଏବଂ 2 ଜଣ ବିଧାୟକ କୋରୋନା ପାଇଁ ପଜିଟିଭ ପରୀକ୍ଷଣ କରିଥିବା ଜଣାପଡିଛି ।
ସିପିଆଇ ସାଂସଦ ଏମ ସେଲଭାରାଜ ଏବଂ ଡିଏମକେ ସାଂସଦ ଏସ ରାମାଲିଙ୍ଗମ କୋରୋନା ସଂକ୍ରମିତ ହୋଇଛନ୍ତି । ଏହା ବ୍ୟତୀତ ଏଆଇଏଡିଏମକେ ବିଧାୟକ କରୁଣାସ ଏବଂ ଏସ ପାଭୁନରାଜ ମଧ୍ୟ କୋରୋନାରେ ଆକ୍ରାନ୍ତ ହୋଇଛନ୍ତି ।
ଏହା ପୂର୍ବରୁ ଶାସକ ଦଳ ଏଆଇଏଡିଏମକେ ଏବଂ ବିରୋଧୀ ଦଳ ଡିଏମକେର ଅନେକ ବିଧାୟକ, ସାଂସଦ ଏବଂ ମନ୍ତ୍ରୀ କୋରୋନାରେ ଆକ୍ରାନ୍ତ ହୋଇଥିଲେ । ତେବେ ଏମାନଙ୍କ ମଧ୍ୟରୁ କେତେକ ସୁସ୍ଥ ହୋଇଥିବାବେଳେ ଅନ୍ୟ କେତେଜଣ ଚିକିତ୍ସାଧୀନ ଅବସ୍ଥାରେ ଅଛନ୍ତି । ସେପଟେ ଡିଏମକେ ବିଧାୟକ ଜେ ଅନୱବାଜହାଗନଙ୍କର କୋରୋନାରେ ମୃତ୍ୟୁ ଘଟିଛି ।
