ହାଇଦ୍ରାବାଦ: ଲୋକପ୍ରିୟ ଗାୟକ ଅରମାନ ମଲିକଙ୍କ ପଡିଲା ହାତଗଣ୍ଠି । ଗାର୍ଲଫ୍ରେଣ୍ଡ ଆଶନା ଶ୍ରଫଙ୍କୁ ସାତ ଜନ୍ମର ସାତୀ କଲେ ଅରମାନ ମଲିକ । ଦୀର୍ଘ 6 ବର୍ଷର ଡେଟିଂ ପରେ ଏକ ବ୍ୟକ୍ତିଗତ ସମାରୋହରେ ଉଭୟ ବିବାହ କରିଛନ୍ତି । ନବ ଦମ୍ପତିଙ୍କ ବିବାହ ଫଟୋ ସାମ୍ନାକୁ ଆସିଛି । ଏହି ଦମ୍ପତି ସୋସିଆଲ ମିଡିଆରେ ବିବାହର ଫଟୋ ସେୟାର କରି ଝଲକ ଦେଖାଛନ୍ତି । ଯାହା ପରେ ଫ୍ୟାନ୍ସ ଏବଂ ସେଲିବ୍ରିଟି ତାଙ୍କ ଫଟୋକୁ ଲାଇକ କରିବା ସହ ପ୍ରତିକ୍ରିୟାରେ ଦମ୍ପତିଙ୍କୁ ଶୁଭେଚ୍ଛା ଜଣାଇଛନ୍ତି ।
ବିବାହ କଲେ ଅରମାନ-ଆଶନା
ଅରମାନ ମଲିକ ଏବଂ ଆଶନା ଶ୍ରଫଙ୍କ ଦୁହେଁ ପରସ୍ପରକୁ ଜୀବନସାଥୀ କରିଛନ୍ତି । ଏକ ବ୍ୟକ୍ତିଗତ ସମାରୋହରେ ଉଭୟ ବିବାହ କରିଛନ୍ତି । ଉଭୟ ବିବାହର ଫଟୋ ଇନଷ୍ଟାଗ୍ରାମରେ ସେୟାର କରି ଏହି ଖୁସି ଖବର ଦେଇଛନ୍ତି । ଫଟୋ ଗୁଡ଼ିକରେ ଅରମାନ ଏବଂ ଆଶନାଙ୍କୁ ବିବାହ ପୋଷାକରେ ଦେଖିବାକୁ ମିଳିଛି । ଅରମାନ ପିଙ୍କ ରଙ୍ଗର ଶେରୱାନି ପିନ୍ଧିଥିବା ବେଳେ ଆଶନା ଅରେଞ୍ଜ ଲେହେଙ୍ଗା ସହ ପିଙ୍କ ରଙ୍ଗର ଦୁପାଟାରେ ଖୁବ ସୁନ୍ଦର ଲାଗୁଛନ୍ତି । ଏହି ଫଟୋରେ ଜୀବନରେ ଏକ ନୂତନ ଯାତ୍ରା ଆରମ୍ଭ କରିବାର ଖୁସି ଉଭୟଙ୍କ ମୁହଁରେ ଦେଖିବାକୁ ମିିଳିଛି । ଏହି ଫଟୋ ସେୟାର କରି ସେ କ୍ୟାପସନରେ ଲେଖିଛନ୍ତି, 'ତୁ ହି ମୋର ଘର ।' ଅରମାନ ମଲିକ ତାଙ୍କର ବିଶେଷ କ୍ୟାପସନ ସହ ଲୋକଙ୍କ ହୃଦୟ ଜିତିଛନ୍ତି । ବିବାହ ଫଟୋ ସାମ୍ନାକୁ ଆସିବା ପରେ ଫ୍ୟାନ୍ସ ଏବଂ ସେଲିବ୍ରିଟି ତାଙ୍କ ଫଟୋକୁ ଲାଇକ କରିବା ସହ ପ୍ରତିକ୍ରିୟାରେ ନବଦମ୍ପତିଙ୍କୁ ଶୁଭେଚ୍ଛା ଜଣାଇଛନ୍ତି ।
ଏହା ମଧ୍ୟ ପଢନ୍ତୁ: ଆଶନା ଶ୍ରଫଙ୍କ ସହ ନିର୍ବନ୍ଧ କଲେ ଅରମାନ ମଲିକ, ସେୟାର କଲେ ଫଟୋ
ସୂଚନା ଥାଉ କି, ହିନ୍ଦୀ ବ୍ୟତୀତ ଅରମାନ ତେଲୁଗୁ, ଇଂରାଜୀ, ବଙ୍ଗାଳୀ, କନ୍ନଡ଼, ମରାଠୀ, ତାମିଲ, ଗୁଜୁରାଟୀ, ପଞ୍ଜାବୀ, ଉର୍ଦ୍ଦୁ ଏବଂ ମାଲାୟାଲମ ଭଳି ଭାଷାରେ ଗୀତ ଗାଇ ବେଶ ଲୋକପ୍ରିୟତା ହାସଲ କରିବା ସହ ଜମେ ସଫଳ ଏବଂ ଲୋକପ୍ରିୟ ଗାୟକ ହୋଇପାରିଛନ୍ତି । ସେପଟେ ଅର୍ମାନଙ୍କ ଗାର୍ଲଫ୍ରେଣ୍ଡ ଆଶନା ଶ୍ରଫ ଜଣେ ଭାରତୀୟ ଫ୍ୟାଶନ ଇନଫ୍ଲୁଏନ୍ସର, ବ୍ଲଗର ଏବଂ ଜଣେ ୟୁଟ୍ୟୁବର ମଧ୍ଯ । ଆଶନାଙ୍କୁ ଭାରତରେ କସ୍ମୋପୋଲିଟନ ଲଗ୍ଜରୀ ଫ୍ୟାଶନ ଅଫ୍ ଦ ଇୟର 2023 ଭାବେ ପୁରସ୍କୃତ ମଧ୍ୟ କରାଯାଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
