ଲକ୍ଷ୍ନୌ:ଉତ୍ତରପ୍ରଦେଶର ଗାଜିଆବାଦରେ ଦୁଇଦିନ ପୂର୍ବେ ପ୍ରେସ ଟ୍ରଷ୍ଟ ଅଫ ଇଣ୍ଡିଆର ଦୁଇ ସାମ୍ବାଦିକଙ୍କୁ ଆକ୍ରମଣ ହୋଇଥିଲା । ପୋଲିସ ଏହି ଘଟଣାରେ ଦୁଇଜଣଙ୍କୁ ଗିରଫ କରିଛି ।
ସୂଚନାଅନୁସାରେ, ସୋମବାର ଫଟୋ ସାମ୍ବାଦିକ ରବି ଚୌଧୁରୀ ଓ ତାଙ୍କ ସହଯୋଗୀ ବାଇକରେ ମୁରଧନଗରର ଗଙ୍ଗା କେନାଲ ନିକଟରେ ଯାଉଥିଲେ । ସେଠାରେ ହଠାତ୍ କିଛି ଦୁର୍ବୃତ୍ତ ତାଙ୍କ ଉପରକୁ ଆକ୍ରମଣ କରିଥିଲେ । ଏଘଟଣା ନେଇ ରବି ସ୍ଥାନୀୟ ଥାନାରେ ମାମଲା ଦାୟର କରିବାକୁ ଯାଇଥିଲେ । ହେଲେ ପୋଲିସ ପ୍ରଥମେ ତାଙ୍କ ଅଭିଯୋଗକୁ ଗ୍ରହଣ କରିନଥିଲା । ଏହା ପରେ ରବି ପୋଲିସ ଜଣକ ଜଣେ ଚାଷୀଙ୍କୁ ବାଡେଇବାର ଫଟୋ ଦେଖାଇଥିଲେ । ଏହା ପରେ ପୋଲିସ ତାଙ୍କ ଅଭିଯୋଗ ଗ୍ରହଣ କରିବା ସହ ଘଟଣାର ତଦନ୍ତ ଆରମ୍ଭ କରିଥିଲା ।
ତେବେ ପୋଲିସ ବୁଧବାର ଏଘଟଣାରେ ଦୁଇଜଣ ଦୁର୍ବୃତ୍ତଙ୍କୁ ଗିରଫ କରିଛି । ସେମାନଙ୍କଠାରୁ ଗୋଟିଏ ବୋଲେରୋ ଗାଡି ଜବତ ହୋଇଛି । ଘଟଣାର ଅଧିକ ଆଇନଗତ କାର୍ଯ୍ୟାନୁଷ୍ଠାନ ଚାଲିଥିବା ଟ୍ବିଟ ଯୋଗେ କହିଛନ୍ତି ଗାଜିଆବାଦ ପୋଲିସ ଅଧିକାରୀ ।
ବ୍ୟୁରୋ ରିପୋର୍ଟ, ଇଟିଭି ଭାରତ
