ଶ୍ରୀନଗର: ଜାମ୍ମୁ-କାଶ୍ମୀରରେ ପୁଣି ଅସ୍ତ୍ରବିରତି ଉଲ୍ଲଙ୍ଘନ । ପାକିସ୍ତାନ ସେନା ପକ୍ଷରୁ ତଙ୍ଗଧାର ସେକ୍ଟରେ ଅସ୍ତ୍ରବିରତି ଉଲ୍ଲଙ୍ଘନ କରାଯାଇଛି । ଏଥିରେ ଦୁଇ ଭାରତୀୟ ଯବାନ ଶହୀଦ ହୋଇଛନ୍ତି । ସେପଟେ ଜଣେ ସ୍ଥାନୀୟ ବ୍ୟକ୍ତିଙ୍କର ମୃତ୍ୟୁ ଘଟିଥିବା ବେଳେ 3 ଜଣ ଆହତ ହୋଇଛନ୍ତି ।
ସୂଚନା ଅନୁସାରେ ନିୟନ୍ତ୍ରଣ ସୀମା ରେଖାରେ ପାକିସ୍ତାନ ସେନା ଅନୁପ୍ରବେଶକାରୀଙ୍କୁ ଭାରତ ଅଭିମୁଖେ ପଠାଉଥିଲା । ଏହି ସମୟରେ ଉଭୟ ସେନା ପକ୍ଷରୁ ଗୁଳିବର୍ଷଣ ହୋଇଥିଲା । ଫଳରେ ଚାଉଳ ଗୋଦାମ, ଗୋଟେ ଘର ନଷ୍ଟ ହେବା ସହ 2ଟି କାର, 2 ଟି ଗୋଶାଳା ସମ୍ପୂର୍ଣ୍ଣ ନଷ୍ଟ ହୋଇଛି । ଏହି ଗୋଶାଳାରେ 19ଟି ଗୋରୁ ଗାଈ ଏବଂ ମେଣ୍ଢା ଥିଲେ । ସେପଟେ ଭାରତୀୟ ସେନା ପକ୍ଷରୁ କଡା ଜବାବ ଦିଆଯାଉଛି ।
