ଭୋପାଳ: ମଧ୍ୟପ୍ରଦେଶର ଅଶୋକନଗର ଜିଲ୍ଲାରେ ଏକ ଛାତିଥରା ସଡକ ଦୁର୍ଘଟଣା ଘଟିଛି। ଏକ ଅଟୋକୁ ଅନ୍ୟ ଏକ ଟ୍ରକ ସାମ୍ନା ପଟୁ ଧକ୍କା ଦେଇଛି। ଯାହା ଫଳରେ ଅଟୋରେ ଥିବା 6 ଯାତ୍ରୀଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି।
ପୋଲିସର ସୂଚନା ଅନୁସାରେ ଏଠାକାର କରିଲା ମାତା ମନ୍ଦିରରେ ଆୟୋଜିତ ବିବାହ ଉତ୍ସବରେ ଯୋଗଦେଇ ଫେରୁଥିବା ବେଳେ ଏହି ଦୁର୍ଘଟଣା ଘଟିଥିଲା। ମୃତକ ଯାତ୍ରୀ ସେହି ଅଟୋରେ ଫେରୁଥିଲେ। ସାମ୍ନାପଟୁ ଦ୍ରୁତ ଗତିରେ ଆସୁଥିବା ଟ୍ରକଟି ନିୟନ୍ତ୍ରଣ ହରାଇ ଅଟୋ ଉପରେ ମାଡି ଯାଇଥିଲା। ଫଳରେ ଅଟୋରେ ଥିବା ସମସ୍ତ ଯାତ୍ରୀଙ୍କ ମୃତ୍ୟୁ ଘଟିଥିଲା।
ଏଭଳି ଦୁର୍ଘଟଣା ଘଟିବା ପରେ ଟ୍ରକ ଚାଳକ ଫେରାର ହୋଇଯାଇଛି। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
