ଲକ୍ଷ୍ନୌ: ଉତ୍ତର ପ୍ରଦେଶର ଉନ୍ନାଓରେ ବଡ ଧରଣର ସଡକ ଦୁର୍ଘଟଣା ହୋଇଛି । କୋତଓ୍ବାଲୀ ବଙ୍ଗରମଉ ନିକଟ ଆଗ୍ରା-ଲକ୍ଷ୍ନୌ ଏକ୍ସପ୍ରେସ ଓ୍ବେର ଟୋଲପ୍ଲାଜା ସମ୍ନାରେ ଟ୍ରକ ଓ ଭ୍ୟାନ ମଧ୍ୟରେ ମୁହାଁମୁହିଁ ଧକ୍କା ହୋଇଥିବା ଦେଖିବାକୁ ମିଳିଛି । ଦୁର୍ଘଟଣାରେ 7 ଜଣଙ୍କର ମୃତ୍ୟୁ ହୋଇଛି ।
ଟ୍ରକ ସହ ଭ୍ୟାନର ମୁହାଁମୁହିଁ ଧକ୍କା, 7 ଜୀବନ୍ତ ଦଗ୍ଧ
ଏକ୍ସପ୍ରେସ ଓ୍ବେରେ ଭୁଲ ଦିଗରୁ ଆସୁଥିବା ଭ୍ୟାନ ସହ ଟ୍ରକର ମୁହାଁମୁହିଁ ଧକ୍କା ହୋଇଥିଲା । ଦୁର୍ଘଟଣା ପରେ ଭ୍ୟାନରେ ନିଆଁ ଲାଗି ଯାଇଥିଲା । ଫଳରେ ଘଟଣାସ୍ଥଳରେ 7 ଜଣ ଜୀବନ୍ତ ଦଗ୍ଧ ହୋଇଯାଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
