ଭିକାରାବାଦ: ତେଲାଙ୍ଗାନାର ବିକାରାବାଦ ଜିଲ୍ଲାରେ ପ୍ରଶିକ୍ଷଣ ସମୟରେ ଏକ ବିମାନ ଦୁର୍ଘଟଣାଗ୍ରସ୍ତ ହୋଇଛି । ଏଥିରେ ଦୁଇ ଜଣ ବିମାନ ଚାଳକଙ୍କର ମୃତ୍ୟୁ ଘଟିଛି । ଘଟଣାସ୍ଥଳରେ ଉଦ୍ଧାରକାରୀ ଦଳ ପହଞ୍ଚିଛନ୍ତି । ଦୁର୍ଘଟଣାର କାରଣ ଏପର୍ଯ୍ୟନ୍ତ ଜଣାପଡିନାହିଁ ।
ସୂଚନା ଅନୁଯାୟୀ ରବିବାର ଅପରାହ୍ନରେ ସୁଲତାନପୁର ଗ୍ରାମରେ ବିମାନଟି ଦୁର୍ଘଟଣାଗ୍ରସ୍ତ ହୋଇ ଖସି ପଡିଥିଲା । ମୃତ ଦୁଇ ପାଇଲଟଙ୍କ ମଧ୍ୟରେ ଜଣେ ମହିଳା ଓ ଜଣେ ପୁରୁଷ ଥିବା ଜଣାପଡିଛି । ଦୁର୍ଘଟଣାରେ ଉଭୟଙ୍କ ପ୍ରାଣହାନୀ ଘଟିଛି ।
ମୃତ ପୁରୁଷ ପାଇଲଟଙ୍କ ନାମ ପ୍ରକାଶ ବିଶାଲ ବୋଲି ଜଣାପଡିଛି । ଅନ୍ୟପଟେ ମହିଳା ପାଇଲଟଙ୍କ ପରିଚୟ ମିଳି ପାରିନାହିଁ । ବିଶାଳ ଟ୍ରେନି ପାଇଲଟ ଥିବା କୁହାଯାଉଛି ।
