ବେଙ୍ଗାଲୁରୁ: କର୍ଣ୍ଣାଟକରେ 24 ଘଣ୍ଟାରେ 44ଟି ନୂଆ ପଜିଟିଭ ସ୍ପଷ୍ଟ ହୋଇଛି । ସ୍ବାସ୍ଥ୍ୟ ବିଭାଗ ପକ୍ଷରୁ ଏହି ସୂଚନା ଦିଆଯାଇଛି । ଗୁରୁବାର ଅପରାହ୍ନ 5ଟାରୁ ଶୁକ୍ରବାର ଅପରାହ୍ନ 5ଟା ଭିତରେ ଏହି ସମସ୍ତ ମାମଲା ସ୍ପଷ୍ଟ ହୋଇଛି ।
ଏହାସହ ରାଜ୍ୟରେ ଏବେ ସୁଦ୍ଧା ମୋଟ ଆକ୍ରାନ୍ତଙ୍କ ସଂଖ୍ୟା 359 ଛୁଇଁଛି । ପ୍ରଥମରୁ ଯେଉଁଭଳି ଭାବେ ଆକ୍ରାନ୍ତଙ୍କ ସଂଖ୍ୟା ବଢି ଚାଲିଥିଲା ସେଥିରେ କିଛି ମାତ୍ରାରେ ରୋକ ଲାଗିଥିବା ସ୍ବାସ୍ଥ୍ୟ ବିଭାଗ ସୂଚନା ଦେଇଛି । ଏବେ ପର୍ଯ୍ୟନ୍ତ 88 ଜଣ ସୁସ୍ଥ ହୋଇ ଘରକୁ ଫେରିଥିବା ଜଣାପଡିଛି ।
ସେହିପରି ରାଜ୍ୟରେ କୋରୋନାଜନିତ ମୃତ୍ୟୁସଂଖ୍ୟା 13 ଛୁଇଁଛି । ଗତ 24 ଘଣ୍ଟାରେ କୌଣସି ମୃତ୍ୟୁ ହୋଇନଥିବା ସରକାର ସୂଚନା ଦେଇଛନ୍ତି । ଏହାସହ ସରକାର ଲୋକଙ୍କୁ ଲକଡାଉନର ଦ୍ବିତୀୟ ପର୍ଯ୍ୟାୟ କଡାକଡି ଭାବେ ପାଳନ କରିବାକୁ ନିବେଦନ କରିଛନ୍ତି ।
ସୌଜନ୍ୟ @ANI
