ହାଇଦ୍ରାବାଦ: ଜାରି ରହିଛି ମହାମାରୀ କୋରୋନାର ଆତଙ୍କ । ଥମୁନି ସଂକ୍ରମଣ । ଦେଶରେ ବଢିଚାଲିଛି କୋରୋନା ଆକ୍ରାନ୍ତଙ୍କ ସଂଖ୍ୟା । ଏହିମଧ୍ୟରେ ଭାରତରେ କୋରୋନା ପ୍ରଭାବରେ ମୃତ୍ୟୁ ସଂଖ୍ୟା 14 ଛୁଇଁଛି । ସେହିପରି କୋରୋନା ଆକ୍ରାନ୍ତଙ୍କ ସଂଖ୍ୟା 649ରେ ପହଞ୍ଚିଛି । ଏମାନଙ୍କ ମଧ୍ୟରୁ 593 ଜଣଙ୍କ ଚିକିତ୍ସା ଚାଲିଥିବା ବେଳେ 42 ଜଣ ସୁସ୍ଥ ହୋଇ ଡାକ୍ତରଖାନାରୁ ଫେରିସାରିଲେଣି ।
ଗୁରୁବାର କୋରୋନା ପ୍ରଭାବରେ ଜାମ୍ମୁ ଓ କାଶ୍ମୀରର ରାଜଧାନୀ ଶ୍ରୀନଗରରେ ଜଣେ 65 ବର୍ଷୀୟ ବୃଦ୍ଧଙ୍କର ମୃତ୍ୟୁ ହୋଇଥିବା ବେଳେ ଗୁଜୁରାଟରେ ଜଣେ ବ୍ୟକ୍ତି କୋରୋନା ପ୍ରଭାବରେ ପ୍ରାଣ ହରାଇଛନ୍ତି । ଏହାକୁ ମିଶାଇ ଦେଶରେ କୋରୋନା ପ୍ରଭାବରେ ମୃତ୍ୟୁ ସଂଖ୍ୟା 14ରେ ପହଞ୍ଚିଛି ।
ମହାରାଷ୍ଟ୍ରରେ ସର୍ବାଧିକ 124 ଜଣ କୋରୋନାରେ ଆକ୍ରାନ୍ତ ହୋଇଛନ୍ତି । ସେହିପରି କେରଳରେ 188, କର୍ଣ୍ଣାଟକ 51 ଓ ତେଲେଙ୍ଗାନା 41 ଜଣ କୋରୋନା ଦ୍ବାରା ଆକ୍ରାନ୍ତ ହୋଇଛନ୍ତି । ଗୋଆରେ ମଧ୍ୟ କୋରୋନାର ପ୍ରଥମ ମାମଲା ସାମ୍ନାକୁ ଆସିସାରିଛି ।
@ANI
