ୱାସିଂଟନ: ଚିତ୍ରଟି ଯେତିକି ଆଶ୍ଚର୍ଯ୍ୟଜନକ ସେତିକି ହୃଦୟସ୍ପର୍ଶୀ । ପଶୁ ଚିକିତ୍ସକଙ୍କ ନିଆରା ପ୍ରୟାସ । କୃତ୍ରିମ ଚକ ଲଗା ଗୋଡରେ ଚାଲିବାକୁ ସକ୍ଷମ ହୋଇଛି କଇଁଛ । ଆଖିକୁ ବିଶ୍ବାସ ହେଉ ନଥିଲେ ବି ଏହା ସତ । କିପରି ଛୋଟଛୋଟ ଯନ୍ତ୍ରପାତି ବ୍ୟବହାର କରି କଇଁଛକୁ କୃତ୍ରିମ ଗୋଡ ପ୍ରଦାନ କରାଯାଇଛି । ପଢନ୍ତୁ ଏହି କାହାଣୀ ପଛର କାହାଣୀ....
ଏହି ଘଟଣା ହେଉଛି ଆମେରିକା ବାଟନ ରଗ୍ରେ ଥିବା 'ଲୋଇସିଆନା ଷ୍ଟେଟ ୟୁନିଭର୍ସିଟି ଭେଟେରେନାରୀ ଟିଚିଂ ହସପିଟାଲ'ର ଘଟଣା । କଇଁଛଟିର ନା ହେଉଛି ପେଡ୍ରୋ । କିଛି ଦିନ ପୂର୍ବେ କଇଁଛର ପଛ ଦୁଇଟି ଗୋଡରୁ ଗୋଟିଏ ଗୋଡ ଭାଙ୍ଗି ଯାଇଥିଲା ।
ଫଳରେ ତାକୁ ପଶୁ ଚିକିତ୍ସାଳୟକୁ ନେଇ ଆସିଥିଲେ ତାର ମାଲିକ । ଆଉ ଡାକ୍ତର ସେ ଗୋଡକୁ ପରିବର୍ତ୍ତନ କରାଇ ଏକ ହ୍ବିଲ ଲଗାଇ ଦେଲେ । ବାସ୍ ଏହି ଚିକିତ୍ସା ପରେ କଇଁଛଟି ଚଲାବୁଲା କରିପାରୁଥିଲା । କିନ୍ତୁ କିଛିଦିନ ପରେ ଅନ୍ୟ ଏକ ପଛ ଗୋଡରେ ଚାପ ପଡିବା ହେତୁ ସେ ଗୋଡଟି ମଧ୍ୟ ଭାଙ୍ଗି ଯାଇଥିଲା ।
କଇଁଛର ଭଙ୍ଗା ଗୋଡ ଦେଖି ସେହି ହସପିଟାଲର ଏକ ଜୁଲୋଜିକାଲ ଇନଟର୍ଣ୍ଣ ଗୁଟନର ଏହାକୁ ଚିକିତ୍ସା ପାଇଁ ଇଚ୍ଛା ପ୍ରକାଶ କରିଥିଲେ । ପ୍ରଥମେ ସେ ଏକ ଲେଗୋ କାର୍ କିଟ, କିଛି ସିରିଞ୍ଜର ପାର୍ଟ, ପଶୁ- ସୁରକ୍ଷିତ ଇପୋକ୍ସିର ବ୍ୟବହାର କରି ଏକ ରିଙ୍ଗ ପ୍ରସ୍ତୁତ କରିଥିଲେ । ପରେ ତାକୁ କଇଁଛ ପଛ ଖୋଳପାରେ ହ୍ବିଲ ସେଟ୍ ଖଞ୍ଜିତ କରିଥିଲେ । ଆଉ ଆପଣ ଜାଣି ଆଶ୍ଚର୍ଯ୍ୟ ହେବେ ଏହି କଇଁଛଟି ଅନ୍ୟ କଇଁଛଙ୍କ ଅପେକ୍ଷା ଖୁବ ଶୀଘ୍ର ଚଲାବୁଲା କରି ପାରୁଛି । କଇଁଛର ଏହି ଅସ୍ତ୍ରୋପଚାର ପରେ ପଶୁ ଚିକିତ୍ସକଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଥିଲା । ଏହି ପଶୁ ଚିକିତ୍ସକ ଅନ୍ୟମାନଙ୍କ ପାଇଁ ସୃଷ୍ଟି କରିଛନ୍ତି ଏକ ଉଦାହରଣ ।
