ନୂଆଦିଲ୍ଲୀ: ଆତ୍ମସମର୍ପଣ କରିପାରନ୍ତି ସି.ପି.ଆଇ ପୂର୍ବତନ ସାଧାରଣ ସମ୍ପାଦକ ତଥା ଟପ ମାଓ ନେତା ମୁପାଲ୍ଲା ଲକ୍ଷ୍ମଣ ରାଓ ଓରଫ୍ ଗଣପତି । ଏନେଇ ତେଲେଙ୍ଗାନା ଗୁଇନ୍ଦା ସଂସ୍ଥା ନିକଟକୁ ସୂଚନା ମିଳିଛି । ମାଓବାଦୀ କେନ୍ଦ୍ରୀୟ କମିଟିରେ ଏହା ଏକ ଚର୍ଚ୍ଚିତ ପଦକ୍ଷେପ ଏବଂ ଗଣପତିଙ୍କ ଏହା ସ୍ବେଚ୍ଛାକୃତ ନିଷ୍ପତ୍ତି ବୋଲି ସୂତ୍ରରୁ ପ୍ରକାଶ।
ତେବେ ଗୁପ୍ତଚର ବିଭାଗର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ,ଏଥିରେ କୌଣସି ନିଶ୍ଚିତତା ନାହିଁ ଏବଂ ଆତ୍ମସମର୍ପଣ ପାଇଁ ବୁଝାମଣା କରିବାର କୌଣସି କାରଣ ନାହିଁ । କାରଣ ସେ ଜଣେ ପ୍ରତିବଦ୍ଧ ନେତା ଏବଂ ଅସୁସ୍ଥତା ଏହାର ଏକମାତ୍ର କାରଣ ହୋଇନପାରେ । 73 ବର୍ଷିୟ ଗଣପତି, ତାଙ୍କ ସାନ ସହକର୍ମୀ ନାମ୍ବାଲା କେଶଭ ରାଓଙ୍କ ପାଇଁ ନଭେମ୍ବର 2018 ରେ ଦଳର ସାଧାରଣ ସମ୍ପାଦକ ପଦରୁ ଇସ୍ତଫା ଦେଇଥିଲେ। ବି.ଏସ୍.ସି ଓ ବି.ଇଡି ପରେ ଗଣପତି ମାଓ ସଂଗଠନରେ ସାମିଲ ହୋଇଥିଲେ । ଏହି ଆନ୍ଦୋଳନରେ ଯୋଗଦେବା ପୂର୍ବରୁ ସେ ଜଣେ ଶିକ୍ଷକ ଥିଲେ।
