ହାଇଦ୍ରାବାଦ: ଲକଡାଉନ୍ ବେଳେ ଟିକଟକରେ ଦିନ ମଜୁରିଆଙ୍କୁ ମଦ ବାଣ୍ଟୁଥିବାର ଭିଡିଓ ତିଆରି କରି ସୋସିଆଲ ମିଡିଆରେ ତାରକା ହେବାକୁ ଚେଷ୍ଟା କରୁଥିବା ହାଇଦ୍ରାବାଦର 29 ବର୍ଷୀୟ ଯୁବକ କୁମାରକୁ ଗିରଫ କରିଛି ପୋଲିସ ।
ରବିବାର ଏହି 29 ବର୍ଷୀୟ ଯୁବକ ଜଣଙ୍କ ଚମ୍ପପେଟରେ ମଦ ବାଣ୍ଟୁଥିବାର ଭିଡିଓ ତିଆରି କରିଥିବା ଅଭିଯୋଗ ହୋଇଛି । ନିକଟରେ ପଞ୍ଜାବରେ ଜଣେ ଯୁବକ ଟିକଟିକ ଭିଡିଓ ତିଆରି କରି ମଦ ବାଣ୍ଟୁଥିବାର ଦେଖିବାକୁ ମିଳିଥିଲା । ଏହି ଭିଡିଓକୁ ଦେଖି କୁମାର ଅନୁରୂପ ଭିଡିଓ ତିଆରି କରିଥିବା ଜଣାପଡ଼ିଛି ।
କୁମାର ପୋଲିସକୁ କହିଛି ଯେ, ସେ ଶ୍ରମିକଙ୍କୁ ମଦ ବାଣ୍ଟୁଥିଲା । ଏହାଦ୍ବାରା ସେମାନେ କୋରୋନାରେ ଆଉ ଆକ୍ରାନ୍ତ ହୋଇନଥାନ୍ତେ । ସୂଚନାଯୋଗ୍ୟ, ଲକଡାଉନ ପାଇଁ ତେଲେଙ୍ଗାନା ସମେତ ଦେଶରେ ମଦ ଦୋକାନ ବନ୍ଦ ରହିଛି ।
