ଚଣ୍ଡିଗଡ: ଏକ ବଡ ଧରଣର ଆତଙ୍କବାଦୀ ଆକ୍ରମଣ ଯୋଜନାକୁ ପଣ୍ଡ କଲା ପୋଲିସ । ଜବତ ହେଲା 3 ଜୀବନ୍ତ ମୋର୍ଟାର । ଚଣ୍ଡିଗଡର ରାମଦରବାରର ମଣ୍ଡି ଗ୍ରାଉଣ୍ଡରେ ଏହି ଅଫୁଟା ବୋମା ମିଳିଥିବା ସୂଚନା ରହିଛି । ଖବର ପାଇ ପୋଲିସ, ବୋମା ନିଷ୍କ୍ରିୟକାରୀ ଦଳ, ଆମ୍ବୁଲାନ୍ସ ଏବଂ ଡାକ୍ତରୀ ଟିମ୍ ଘଟଣା ସ୍ଥଳରେ ନିୟୋଜିତ ଅଛନ୍ତି ।
ସୂଚନା ମୁତାବକ, ଶନିବାର ସକାଳ ପ୍ରାୟ ସେଢେ 6 ଟା ସମୟରେ ପୋଲିସ କଣ୍ଟ୍ରୋଲ ରୁମକୁ ଏନେଇ ଖବର ମିଳିଥିଲା । ତେବେ ବୋମା ନିଷ୍କ୍ରିୟକାରୀ ଦଳ ବୋମା ନିଷ୍କ୍ରିୟ କରିବାକୁ ଉଦ୍ୟମ ଚଳାଇଛନ୍ତି । ସେପଟେ ବୋମା ସେଠାକୁ କିପରି ଆସିଲେ ସେ ନେଇ ପୋଲିସ ତଦନ୍ତ ଜାରୀ ରଖିଛି । ସୁରକ୍ଷାକୁ ଦୃଷ୍ଟିରେ ରଖି ସମ୍ପୁର୍ଣ୍ଣ ଅଞ୍ଚଳକୁ ସିଲ କରାଯାଇଛି ।
