ଶ୍ରୀନଗର: ସନ୍ଦିଗ୍ଧ ଭାବରେ ହ୍ବାଟସଆପ ବ୍ୟବହାରକୁ ନେଇ ସେନା ପାଇଁ ପୋର୍ଟର (ମାଲ ବୁହାଳୀ) କାର୍ଯ୍ୟ କରୁଥିବା 3 ଜଣ ବ୍ୟକ୍ତିଙ୍କୁ ଅଟକ ରଖାଯାଇଛି । ଜମ୍ମୁ-କାଶ୍ମୀରର ପୁଞ୍ଛ ଜିଲ୍ଲାରେ ସୋମବାର ସୁରକ୍ଷାକର୍ମୀ ସେମାନଙ୍କୁ ଅଟକ ରଖିଛନ୍ତି ।
ସୂଚନା ମୁତାବକ, ଅଟକ ରଖାଯାଇଥିବା ସମସ୍ତ ବ୍ୟକ୍ତି ପୁଞ୍ଛ ଜିଲ୍ଲାର । ସସେମାନେ ଭୀମ୍ବର ଗଲି ଅଞ୍ଚଳରେ ସେନାରେ ପୋର୍ଟର୍ସ ଭାବରେ କାର୍ଯ୍ୟରତ ଥିଲେ । ତେବେ ନିୟମିତ ଯାଞ୍ଚ ସମୟରେ ଏହି ବ୍ୟକ୍ତି ମାନେ ସନ୍ଦିଗ୍ଧ ଭାବରେ ହ୍ବାଟସଆପ ବ୍ୟବହାର କରୁଥିବା ଜଣାପଡିଥିଲା । ଏହା ସହିତ ଯେଉଁ ଗ୍ରୁପ ସହ ସେମାନେ ଜଡିତ ଥିଲେ, ସେଥିରୁ ସନ୍ଦେହ ବୃଦ୍ଧି ପାଇଥିଲା । ଏହାକୁ ସମ୍ବେଦନଶୀଳ ଘଟଣା ମନେ କରି ସୁରକ୍ଷାକର୍ମୀଙ୍କ ପକ୍ଷରୁ ସେମାନଙ୍କୁ ଅଟକ ରଖାଯାଇଛି ।
ପଚରାଉଚାରା ଜାରି ରହିଥିବା ବେଳେ ଏବେସୁଦ୍ଧା ସେମାନଙ୍କ ପକ୍ଷରୁ କୌଣସି ସୂଚନା ମିଳିନାହିଁ ।
