ମୁମ୍ବାଇ: ବନ୍ୟା ପ୍ରବାବିତ ହୋଇଥିବା ଗୋଣ୍ଡିଆ ଜିଲ୍ଲାର କାସା ମହଲଗାଓଁ-ଧପୱାଡା ଏବଂ ବିର୍ସୋଲା ପରିଦର୍ଶନ କରି ସ୍ଥାନୀୟ ଲୋକଙ୍କ ସହ କଥାବାର୍ତ୍ତା କରିଛନ୍ତି ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ । ପୂର୍ବ ବିଦର୍ଭର ଅନେକ ଅଞ୍ଚଳକୁ ପରିଦର୍ଶନ କରିବା ସହ ସରକାରୀ ସୁବିଧା ସୁଯୋଗରୁ ବଞ୍ଚିତ ଥିହା ବାସୀନ୍ଦାଙ୍କ ଅସୁବିଧା ପଚାରି ବୁଝିଛନ୍ତି ଦେବେନ୍ଦ୍ର ।
ସେ କହିଛନ୍ତି, ପୂର୍ବ ବିଦର୍ଭର ଅବସ୍ଥା ଅତ୍ୟନ୍ତ ଗମ୍ଭୀର। କେବଳ ଆଜି ପାଇଁ ନୁହେଁ, ଭବିଷ୍ୟତରେ ଅନେକଙ୍କ ପାଇଁ ଏପରି କୃଷକମାନଙ୍କୁ ତୁରନ୍ତ ସହାୟତା ପ୍ରଦାନ କରାଯାଉ । ସେମାନେ ଭବିଷ୍ୟତ ପାଇଁ ଠିଆ ହୋଇପାରିବେ । କିନ୍ତୁ, ଏଥିପାଇଁ ସରକାର ଏକ ଯୋଜନା ତିଆରି କରି ସାହାଯ୍ୟ କରିବା ଆବଶ୍ୟକତା ଅଛି ବୋଲି ସେ କହିଛନ୍ତି ।
ବାସ କରିବାକୁ ଘର ନାହିଁ ଏବଂ କୃଷି କାର୍ଯ୍ୟ ସଂପୂର୍ଣ୍ଣ ନଷ୍ଟ ହୋଇଯାଇଛି । ସଙ୍କଟ ବଡ ହୋଇଥିଲେ ମଧ୍ୟ ତୁରନ୍ତ ଏବଂ ନଗଦ ସହାୟତା ଦିଆଗଲେ ଅନେକ ପରିବାର ବଞ୍ଚିପାରିବେ । ମୋର ଅନୁରୋଧ ହେଉଛି ରାଜ୍ୟ ସରକାର ବନ୍ୟା ସମୟରେ ରାଜନୀତିକୁ ଛାଡି ତୁରନ୍ତ ସାହାଯ୍ୟ କରନ୍ତୁ ବୋଲି କହିଛନ୍ତି ଦେବେନ୍ଦ୍ର ଫଡନାଭିସ ।
ବ୍ୟୁରୋ ରିପୋର୍ଟ, ଇଟିଭି ଭାରତ
