ନୂଆଦିଲ୍ଲୀ: ବର୍ତ୍ତମାନ ଯେତେବେଳେ ଆପଣ ଦିଲ୍ଲୀ ଏୟାରପୋର୍ଟରେ ଓହ୍ଲାଇବେ ସେତେବେଳେ ଆପଣ ଏୟାରପୋର୍ଟର ଏକ ଅଲଗା ଦୃଶ୍ୟ ଦେଖବେ । ରାଜଧାନୀ ଦିଲ୍ଲୀର ବିମାନବନ୍ଦରରେ ଆପଣ ବର୍ତ୍ତମାନ ଭର୍ଚୁଆଲ୍ ବରଫ ତଥା ଆଇସ ଏଜର ମଜା ନେଇପାରବେ ।
ଏହି ସୁନ୍ଦର ପରିବର୍ତ୍ତନ ବିମାନବନ୍ଦରର ଟର୍ମିନାଲ୍ -3 ରେ ଦେଖିବାକୁ ମିଳବ । ଯେଉଁଠାରେ ବର୍ତ୍ତମାନ ଆପଣଙ୍କୁ ଅପେକ୍ଷା କରବାକୁ ବିରକ୍ତି ଅନୁଭବ ହେବନାହିଁ । ଟର୍ମିନାଲ୍ -3ରେ ଏକ ଭର୍ଚୁଆଲ୍ ଡୋମ ବ୍ୟବସ୍ଥା କରାଯାଇଛି । ଯାହାକୁ ହାଇଦ୍ରାବାଦରେ ପ୍ରସ୍ତୁତ କରାଯାଇଛି । ଏହି ଡୋମ ଟର୍ମିନାଲ୍ -3ର ବୋର୍ଡିଂ ଗେଟ୍ ନମ୍ବର 41ରେ ସ୍ଥାପିତ ହୋଇଛି ଏବଂ ଏହାକୁ ଦିଲ୍ଲୀର ନେହେରୁ ପ୍ଲାନେଟୋରିୟମ୍ ସହିତ ତୁଳନା କରାଯାଉଛି ।
ଭର୍ଚୁଆଲ୍ ରିଆଲିଟି ଏକ ମିନି ପ୍ଲାନେଟାରିୟମ୍ ପରି ଡିଜାଇନ୍ ହୋଇଛି ।ଏହି ବିଶେଷ ବ୍ୟବସ୍ଥାକୁ ଉପଭୋଗ କରିବା ପାଇଁ କେତେକ ନିୟମ ମଧ୍ୟ ପ୍ରସ୍ତୁତ କରାଯାଇଛି । ବିମାନବନ୍ଦର କର୍ତ୍ତୃପକ୍ଷ ବର୍ତ୍ତମାନ ଯାତ୍ରୀମାନଙ୍କ ପାଇଁ 7-15ମିନିଟର ସମୟ ସ୍ଥିର କରିଛନ୍ତି । ଯେଉଁଥିପାଇଁ ଲୋକଙ୍କୁ 200 ଟଙ୍କା ଟିକେଟ କାଟିବାକୁ ପଡିବ।
କୋରୋନା ମହାମାରୀ ହେତୁ ଏହାକୁ ଦେଖିବା ପାଇଁ ପ୍ରତିଦିନ ଏକ ସୀମା ଧାର୍ଯ୍ୟ କରାଯାଇଛି। ଯେଉଁଥିରେ ପ୍ରତିଦିନ 80 ଜଣ ଯାତ୍ରୀ ଏହାର ଉପଭୋଗ କରିପାରିବେ।
