ଡେରାଡୁନ: ବୁଧବାର ସକାଳ 6 ଟା 10ରେ ଖୋଲିଲା ରୁଦ୍ରପ୍ରୟାଗର ପ୍ରଭୁ କେଦାରନାଥଙ୍କ ଦ୍ବାର । ପୁରୋହିତ ମାନେ ପରମ୍ପରା ଓ ରୀତିନୀତିରେ ମନ୍ତ୍ରୋଚାରଣ ସହିତ ବାବା କେଦାରନାଥଙ୍କ ପୂଜାର୍ଚ୍ଚନା କରିଛନ୍ତି । ଏହି ଅବସରରେ ପୁରା ମନ୍ଦିରକୁ ଫୁଲରେ ସଜାଯାଇଛି । ବରଫ ଚାଦର ଉପରେ ମନ୍ଦିରର ଏହି ଶୋଭା ବେଶ ମନମୁଗ୍ଧକର ।
ସବୁଠୁ ବଡ କଥା ହେଲା କୋରୋନା ପାଇଁ ଚାଲୁଥିବା ଲକଡାଉନ କାରଣରୁ କୌଣସି ଭକ୍ତଙ୍କୁ ବାବାଙ୍କ ଦର୍ଶନ ପାଇଁ ଅନୁମତି ଦିଆଯାଇନାହିଁ । ଏହି ସମୟରେ ମୁଖ୍ୟ ପୂଜାରିଙ୍କ ସହ ମାତ୍ର 16 ଜଣ ଉପସ୍ଥିତ ଥିଲେ । ଏହି ସମୟରେ ସାମାଜିକ ଦୂରତାକୁ ମଧ୍ୟ ପାଳନ କରାଯାଇଛି ।
ଉତ୍ତରାଖଣ୍ଡର ବିଶ୍ୱ ପ୍ରସିଦ୍ଧ ଚାରିଧାମ ଯାତ୍ରା ଆରମ୍ଭ ହୋଇଛି । ଏହି ପବିତ୍ର ଯାତ୍ରା 26 ଏପ୍ରିଲରେ ଗାଙ୍ଗୋତ୍ରୀ ଏବଂ ଯମୁନେତ୍ରୀ ଧାମର ଦ୍ବାର ଖୋଲିବା ସହିତ ଆରମ୍ଭ ହୋଇଥିଲା । ଚାରିଧାମ ଯାତ୍ରା ଆରମ୍ଭ ହେବା ପରେ ଲୋକମାନେ ବାବା କେଦାରନାଥ ଧାମଙ୍କ ଦ୍ୱାର ଖୋଲିବାକୁ ଅପେକ୍ଷା କରିଥିଲେ। ଯାହା 29 ଏପ୍ରିଲ ବୁଧବାର ସକାଳ ସମୟରେ ଖୋଲା ଯାଇଛି ।
