ଶ୍ରୀନଗର: ଘାଟିରେ ଥମୁନାହିଁ ଆତଙ୍କବାଦୀ କାର୍ଯ୍ୟକଳାପ । ଅନ୍ୟପକ୍ଷେ ଆତଙ୍କବାଦୀ ଦମନ ପାଇଁ ଜୋରଦାର ଅପରେସନ ଚଳାଇଛି ଭାରତୀୟ ସେନା । ଏପରିସ୍ଥିତିରେ ଉତ୍ତର କାଶ୍ମୀରର ହନ୍ଦୱାଡାରୁ ଜଣେ ଆତଙ୍କବାଦୀ ସହଯୋଗୀକୁ ଗିରଫ କରାଯାଇଛି । ସୁରକ୍ଷାକର୍ମୀଙ୍କ ମିଳିତ ଟିମ ଏହି ଆତଙ୍କବାଦୀକୁ ଗିରଫ କରିଛନ୍ତି ।
ପୋଲିସ ଅଧିକାରୀଙ୍କ କହିବା ଅନୁଯାୟୀ କ୍ରାଲଗୁଣ୍ଡ ଅଞ୍ଚଳରେ ଆତଙ୍କବାଦୀଙ୍କ ଗତିବିଧି ସମ୍ପର୍କରେ ଏକ ନିର୍ଦ୍ଦିଷ୍ଟ ସୂଚନାକୁ ଆଧାର କରି ତୁରନ୍ତ ନେହେମା ଗାଁରେ ହନ୍ଦୱାଡା ପୋଲିସ ସମେତ 32 ଆରଆର ଏବଂ 92 ସିଆରପିଏଫ ଟିମ ମିଳିତ ଭାବରେ ସର୍ଚ୍ଚ ଅପରେସନ ଆରମ୍ଭ କରିଥିଲେ ।
ସର୍ଚ୍ଚ ଅପରେସନ ସମୟରେ ଜଣେ ଆତଙ୍କବାଦୀ ସହଯୋଗୀକୁ ଗିରଫ କରାଯାଇଥିଲା । ଗିରଫ ଆତଙ୍କବାଦୀ ସହଯୋଗୀ ଜଣଙ୍କ ନେହାମା କ୍ରାଲଗୁଣ୍ଡର ଘା ହାସନ ଦାରଙ୍କ ପୁଅ ସହିଦ ହାସେନ ଦାର ବୋଲି ଜଣାପଡିଛି । ତା ନିକଟରୁ ଅସ୍ତ୍ରଶସ୍ତ୍ର ଏବଂ ଗୁଳିଗୋଳା ସାମଗ୍ରୀ ଜବତ କରାଯାଇଛି ।
