ଶ୍ରୀନଗର: ଜମ୍ମୁ କାଶ୍ମୀର ପୋଲିସ ଓ ସୁରକ୍ଷାକର୍ମୀଙ୍କ ମିଳିତ ଅପରେସନରେ ମଙ୍ଗଳବାର ଶ୍ରୀନଗରର ହରୱାନରୁ ବିପୁଳ ଅସ୍ତ୍ରଶସ୍ତ୍ର ଏବଂ ଗୁଳିଗୋଳା ଜବତ ହୋଇଛି । ଏହାସହ ଉକ୍ତ ଅଞ୍ଚଳରେ ଲୁଚି ରହିଥିବା ଏକ ସକ୍ରିୟ ଆତଙ୍କୀ ଟିମର ପର୍ଦ୍ଦାଫାଶ କରିଛନ୍ତି।
ଜମ୍ମୁ-କଶ୍ମୀର ପୋଲିସ ନିଜସ୍ବ ସୂତ୍ରରୁ ଖବର ପାଇ ମଙ୍ଗଳବାର ଶ୍ରୀନଗରର ହରୱାନ ଠାରେ ଏକ ମିଳିତ ଅପରେସନ୍ ଆରମ୍ଭ କରିଥିଲା। ଏହି ସମୟରେ ଷ୍ଟୋର-ଗ୍ରେନେଡ, ଜିପିଏସ, ଏ.କେ ମାଗାଜିନ୍ ଏବଂ ପ୍ରଶାସନିକ ଷ୍ଟୋର ସହିତ ଗ୍ରେନେଡ ଉଦ୍ଧାର ହୋଇଛି ବୋଲି ଭାରତୀୟ ସେନା ପକ୍ଷରୁ ସୂଚନା ମିଳିଛି। ବର୍ତ୍ତମାନ ସମୟରେ ଭାରତୀୟ ସେନା ଓ ଜମ୍ମୁ କାଶ୍ମୀର ପୋଲିସର ମିଳିତ ଅପରେସନ ଜାରି ରହିଛି।
ମଙ୍ଗଳବାର ସକାଳୁ ପୁଲୱାମାର ବାନଡୋଜ ଅଞ୍ଚଳରେ ସୁରକ୍ଷାକର୍ମୀଙ୍କ ଗୁଳିରେ 2 ଆତଙ୍କୀ ନିହତ ହୋଇଛନ୍ତି। ଏହାସହ ଜଣେ ଯବାନ ଶହୀଦ । ଅଞ୍ଚଳରେ କୁମ୍ବିଂ ଅପରେସନ ପୋଲିସ ଓ ସୁରକ୍ଷାକର୍ମୀଙ୍କ ପକ୍ଷରୁ ଆରମ୍ଭ ହୋଇଛି ।
