ଅନନ୍ତନାଗ: ଦୁଇ ଦିନ ପରେ ପୁଣି ଜମ୍ମୁ ଓ କାଶ୍ମୀରରେ ହୋଇଛି ଆତଙ୍କୀ ହମଲା । ଦକ୍ଷିଣ କାଶ୍ମୀରର ଅନନ୍ତନାଗ ଜିଲ୍ଲାରେ ଏକ ସିଆରପିଏଫ ଟିମ ଉପରକୁ ଆକ୍ରମଣ କରିଛନ୍ତି ଆତଙ୍କବାଦୀ । ଏଥିରେ ଜଣେ ଯବାନ ଶହୀଦ ହୋଇଛନ୍ତି ।
ସୂଚନାନୁସାରେ ଅନନ୍ତନାଗର ବିଜବେହରା ଅଞ୍ଚଳରେ ଏହି ଆକ୍ରମଣ ହୋଇଛି । ସିଆରପିଏଫ ଉପରକୁ ଆତଙ୍କବାଦୀ ଆକ୍ରମଣ କରିଥିଲେ । ଏଥିରେ ଜଣେ ଯବାନ ପ୍ରଥମେ ଆହତ ହୋଇଥିଲେ । ପରେ ସେ ଶହୀଦ ହୋଇଥିବାର ଅନନ୍ତନାଗ ଏସପି ସନ୍ଦୀପ ଚୌଧୁରୀ ସୂଚନା ଦେଇଛନ୍ତି ।
ସୁରକ୍ଷାକର୍ମୀ ଉକ୍ତ ଅଞ୍ଚଳକୁ ଘେରାଓ କରି ସର୍ଚ୍ଚ ଅପରେସନ କରିବା ସହ ଆତଙ୍କୀଙ୍କୁ ଖୋଜୁଛନ୍ତି । ଶେଷ ଖବର ଅନୁସାରେ ଆକ୍ରମଣକାରୀଙ୍କ କୌଣସି ପରିଚୟ ମିଳିନାହିଁ । ପୂର୍ବରୁ ରବିବାର କୁପୱାଡା ଜିଲ୍ଲାରେ ଆତଙ୍କବାଦୀ-ସୁରକ୍ଷାକର୍ମୀ ମୁହାଁମୁହିଁ ହୋଇଥିଲେ । ସେନା ଏନକାଉଣ୍ଟରରେ 5 ଆତଙ୍କୀ ନିହତ ହୋଇଥିଲେ । ସେହିପରି ଆତଙ୍କୀଙ୍କ ଗୁଳିରେ 5 ଯବାନ ଶହୀଦ ହୋଇଥିଲେ ।
ସୌଜନ୍ୟ@ANI
