ଶ୍ରୀନଗର: ଜମ୍ମୁ କାଶ୍ମୀରର ଚାରୋଟି ସ୍ଥାନରେ ଚଢାଉ କରିଛି ଏନଆଇଏ । ଟେରର ଫଣ୍ଡିଂ ମାମଲାରେ ଜାତୀୟ ତଦନ୍ତ ସଂସ୍ଥା (ଏନଆଇଏ) ଘାଟିରେ ଚଢଉ କରିଛି ।
ସୂଚନା ମୂତାବକ, ଏନଆଇଏର ଏକ ଟିମ୍ ଉତ୍ତର କାଶ୍ମୀରର ବାରମୂଲା ଜିଲ୍ଲାରେ ଚାରିଜଣ ବ୍ୟବସାୟୀଙ୍କ ଘରେ ଚଢାଉ କରିଛନ୍ତି । ପୋଲିସ ଏବଂ ସିଆରଫିଏଫ୍ ଯବାନଙ୍କ ସହ ଏନଆଇଏ ବିଚ୍ଛିନ୍ନବାଦୀ ନେତା ସଜ୍ଜାଦ ଲୋନ, ବ୍ୟବସାୟୀ ଅସିଫ୍ ଲୋନ, ତନଭିର ଅହମ୍ମଦ, ତାରିକ ଅହମ୍ମଦ ଏବଂ ବିଲାଲ ଭଟ୍ଟଙ୍କ ଘରେ ଚଢାଉ ଜାରି ରଖିଛି ।
ତେବେ ଆତଙ୍କବାଦୀଙ୍କୁ ପାଣ୍ଠି ଯୋଗାଇବା ଅଭିଯୋଗରେ କାଶ୍ମୀରର ନାମୀଦାମୀ ଉଦ୍ୟୋଗପତି ଜହୁର ବାଟାଲୀ ଏବଂ କେତେ ଅନ୍ୟ ବିଚ୍ଛିନ୍ନବାଦୀ ନେତାଙ୍କୁ ଏନଆଇଏ ଗିରଫ କରିଛି ।
ପ୍ରକାଶ ଥାଉକି, 2017 ମେ 20ରେ ଟେରର ଫଣ୍ଡିଂ ଅଭିଯୋଗରେ 13 ଜଣଙ୍କ ନାମରେ ମାମଲା ରୁଜୁ ହୋଇଛି । ଏମାନଙ୍କ ମଧ୍ୟରେ ବହୁ ବିଚ୍ଚିନ୍ନବାଦୀ ନେତା ସାମିଲ ଅଛନ୍ତି ।
