ହାଇଦ୍ରାବାଦ: ବରିଷ୍ଠ ତେଲୁଗୁ ଅଭିନେତା ରାଲାପାଲି ଭେଙ୍କେଟ ନରସିମା ରାଓଙ୍କ ମୃତ୍ୟୁ ଘଟିଛି । ଏକ ଘରୋଇ ମେଡିକାଲରେ ତାଙ୍କର ମୃତ୍ୟୁ ଘଟିଛି । 74 ବର୍ଷୀୟ ଅଭିନେତା ଲଙ୍ଗକ୍ୟାନ୍ସରରେ ପୀଡିତ ଥିଲେ । ତେଣୁ ମେ 15ରୁ ସେ ମେଡିକାଲରେ ଚିକିତ୍ସିତ ଥିଲେ । ତେବେ ଶୁକ୍ରବାର ବିଳମ୍ବିତ ରାତ୍ରିରେ ତାଙ୍କର ମୃତ୍ୟୁ ଘଟିଛି ।
ତେବେ ତେଲୁଗୁ ଷ୍ଟାର ରାଲାପାଲି 800ରୁ ଊର୍ଦ୍ଧ୍ବ ଫିଲ୍ମରେ କାମ କରିସାରିଛନ୍ତି । ତନ୍ମଧ୍ୟରେ ରହିଛି ଓରୁମାଦି, ବ୍ରାଟୁକୁଲୁ, ତୁର୍ପୁ ଭେଲେ ରାଇଲୁ, ଶ୍ରୀବାରିକି, ପ୍ରେମଲେଖା, ଖୈଦୀ, ମଣ୍ଟ୍ରିଗାରି, ଅଲାୟା ସିକମ୍ ଆଦି । ତେବେ ତାଙ୍କର ବିୟୋଗରେ ସାରା ତେଲୁଗୁ ଫିଲ୍ମ ଜଗତରେ ଶୋକର ଛାୟା ଖେଳିଯାଇଛି ।
