ହାଇଦ୍ରାବାଦ: ଲଘୁଚାପଜନିତ ଲଗାଣ ବର୍ଷାରେ ରାଜ୍ୟର ହୋଇଥିବା କ୍ଷୟକ୍ଷତିର ଆକଳନ କରିବା ପାଇଁ ତେଲେଙ୍ଗାନା ମୁଖ୍ୟମନ୍ତ୍ରୀ କେସିଆର ଏକ ଜରୁରୀକାଳୀନ ବୈଠକ ଗୁରୁବାର ଡାକିଛନ୍ତି । ତେବେ ଏହି ବୈଠକ ଅପରାହ୍ନ 3ଟାରେ ପ୍ରଗତି ଭବନରେ ଅନୁଷ୍ଠିତ ହେବ । ପ୍ରବଳ ବର୍ଷା ଯୋଗୁଁ ରାଜ୍ୟରେ ସୃଷ୍ଟି ହୋଇଥିବା ବନ୍ୟା ପରିସ୍ଥିତିର କ୍ଷୟକ୍ଷତିର ରିପୋର୍ଟ କେନ୍ଦ୍ରକୁ ପ୍ରଦାନ କରାଯିବ ବୋଲି ଜଣାପଡିଛି ।
ତେବେ ଏହି ବୈଠକରେ ରାଜ୍ୟର ବର୍ତ୍ତମାନ ପରିସ୍ଥିତି ସଂପର୍କରେ ଆଲୋଚନା କରାଯିବ । ସ୍ଥିତିର ମୁକାବିଲା କରିବା ପାଇଁ ବର୍ତ୍ତମାନ ଓ ଆଗକୁ ନିଆ ଯିବାକୁ ଥିବା ପଦକ୍ଷେପ ସଂପର୍କରେ ଆଲୋଚନା କରାଯିବ ବୋଲି ଜଣାପଡିଛି । ଏହି ବୈଠକ ପରେ କେନ୍ଦ୍ର ନିକଟରେ କ୍ଷୟକ୍ଷତିର ସମସ୍ତ ରିପୋର୍ଟ ଦାଖଲ କରାଯିବ ।
ଏହି ଜରୁରୀକାଳୀନ ବୈଠକରେ ମନ୍ତ୍ରୀ କେଟିଆର, ଇରାବେଲ୍ଲି ଦୟାକର ରାଓ, ପ୍ରଶାନ୍ତ ରେଡ୍ଡି, ଜଗଦୀଶ ରେଡ୍ଡି ପ୍ରମୁଖ ଉଚ୍ଚପଦସ୍ଥ ଅଧିକାରୀମାନେ ଉପସ୍ଥିତ ରହିବେ । ବୈଠକରେ ବିଶେଷକରି ବର୍ଷା ଦ୍ବାରା ରାଜ୍ୟରେ ସୃଷ୍ଟି ହୋଇଥିବା ପରିସ୍ଥିତି ସଂପର୍କରେ ଆଲେଚନା କରାଯିବ ।
ତେବେ ସୂଚନା ଥାଉକି ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ଯୋଗୁଁ ଦୁଇ ତିନି ଧରି ରାଜ୍ୟରେ ପ୍ରବଳ ବର୍ଷା ଲାଗି ରହିଥିଲା ଫଳରେ ବନ୍ୟା ପରିସ୍ଥିତି ମଧ୍ୟ ସୃଷ୍ଟି ହୋଇଥିଲା । ଏଥିରେ ଅନେକ କ୍ଷତିଗ୍ରସ୍ତ ହୋଇଥିବା ବେଳେ କିଛି ଲୋକଙ୍କ ଘରଦ୍ବାର ମଧ୍ୟ ଭାଙ୍ଗି ପଡିଥିବା ସୂଚନା ମିଳିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
