ନୂଆଦିଲ୍ଲୀ: ଏୟାର ଇଣ୍ଡିଆ ପାଇଁ ଟାଟା ଗ୍ରୁପ ସୋମବାର ନିଲାମି ଡାକିବା ନେଇ ଘୋଷଣା କରିଛି। କାରଣ ସୋମବାର ନିଲାମି ଡାକିବାର ସମୟ ସୀମା ଶେଷ ହେଉଛି। ଏହା ପୂର୍ବରୁ ଖବର ଆସିଥିଲା ଯେ ଟାଟା, ଆଦାନୀ ଏବଂ ହିନ୍ଦୁଜା ଭଳି ପ୍ରମୁଖ କର୍ପୋରେଟ ହାଉସ ଏହାକୁ କିଣିବାକୁ ଆଗ୍ରହୀ | ଏୟାର ଇଣ୍ଡିଆ ପାଇଁ ଟେଣ୍ଡର ଶେଷ ତାରିଖ ଡିସେମ୍ବର 14 ଏବଂ ସରକାର ଏହାର ସମୟସୀମା ବୃଦ୍ଧି କରିନାହାଁନ୍ତି।
ସୂଚନା ରହିଛି ଯେ, ଟାଟା ଗ୍ରୁପ ମଧ୍ୟ ଏୟାର ଇଣ୍ଡିଆ ପାଇଁ ମୂଲ୍ୟ ନିର୍ଧାରଣ ଆରମ୍ଭ କରିଛି। ଏହି ମାସ ଶେଷରେ ସେ ଟେଣ୍ଡର କରିବ। ତେବେ ସରକାର ଏୟାର ଇଣ୍ଡିଆ ନିଲାମି ପାଇଁ ଅନ୍ତରୀଣ ତାରିଖକୁ 5 ଜାନୁୟାରୀକୁ ବୃଦ୍ଧି କରାଯାଇଛି । ଯାହାକି ପୂର୍ବରୁ 29 ଡିସେମ୍ବର ପର୍ଯ୍ୟନ୍ତ ଥିଲା। ସର୍ଟଲିଷ୍ଟ ହୋଇଥିବା ନିଲାମଧାରୀଙ୍କ ନାଁ ଘୋଷଣା କରିବାର ଏହା ହେଉଛି ତାରିଖ । 29 ଡିସେମ୍ବର ସୁଦ୍ଧା ଏହା ନିଶ୍ଚିତ ହେବା ଉଚିତ ।
ବର୍ତ୍ତମାନ ଏଥିପାଇଁ 3 ଟି ବଡ ବଡ କର୍ପୋରେଟ ହାଉସର ଆଗ୍ରହ ଥିବା ଖବର ସାମ୍ନାକୁ ଆସିଛି । ଏହା ଜଣା ଯେ ଟାଟା ଗ୍ରୁପ, ଆଦାନୀ, ହିନ୍ଦୁଜା ଏବଂ ଅନ୍ୟମାନେ ଏୟାର ଇଣ୍ଡିଆ ପାଇଁ ଟେଣ୍ଡର କରିବାକୁ ଇଚ୍ଛୁକ। ଏହି ସମୟରେ, ଏୟାର ଇଣ୍ଡିଆର 209 କର୍ମଚାରୀଙ୍କ ଏକ ଗୋଷ୍ଠୀ ଏକ ପ୍ରାଇଭେଟ ଫାଇନାନ୍ସ ପାଇଁ ଟେଣ୍ଡର କରିବାକୁ ପ୍ରସ୍ତୁତ ହେଉଛନ୍ତି।
ଏୟାର ଇଣ୍ଡିଆର କମର୍ସିଆଲ ଡାଇରେକ୍ଟର ମୀନାକ୍ଷୀ ମଲ୍ଲିକଙ୍କ ଦ୍ବାରା ନିଲାମି ପ୍ରକ୍ରିୟା ପରିଚାଳିତ ହେଉଛି। ତେବେ ପାଇଲଟ ଏବଂ କ୍ୟାବିନ କ୍ରୁଙ୍କ ପ୍ରତିନିଧିତ୍ବ କରୁଥିବା ୟୁନିୟନ ସେମାନଙ୍କ ସଦସ୍ୟଙ୍କୁ ନିଲାମିରେ ଭାଗ ନ ନେବାକୁ ପରାମର୍ଶ ଦେଇଛନ୍ତି।
ବ୍ୟୁରୋ ରିପୋର୍ଟ, ଇଟିଭି ଭାରତ
