ନୂଆଦିଲ୍ଲୀ: ସଦ୍ୟତମ ବିଜେପିରେ ଯୋଗ ଦେଇଥିବା ହରିୟାଣା ସିଙ୍ଗର ସ୍ବପ୍ନା ଚୌଧୁରୀ ଶିଖି ଗଲେଣି ରାଜନୀତି । ଆସୁ ଆସୁ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ କରିଛନ୍ତି ଆଟାକ । ଦିଲ୍ଲୀ ପ୍ରଦେଶ ବିଜେପି କାର୍ଯ୍ୟାଳୟରେ ସ୍ବପ୍ନା ପ୍ରଥମେ ପ୍ରଧାନମନ୍ତ୍ରୀ ମୋଦି ଏବଂ ରାଜ୍ୟ ଅଧ୍ୟକ୍ଷ ମନୋଜ ତିୱାରୀଙ୍କୁ ପ୍ରସଂଶା କରିବା ପରେ କେଜ୍ରିୱାଲଙ୍କୁ କରିଛନ୍ତି ଟାର୍ଗେଟ ।
କେଜ୍ରିୱାଲଙ୍କୁ କଟାକ୍ଷ କରି କହିଛନ୍ତି ଯେଉଁ ବ୍ୟକ୍ତି କାହାକୁ ସମ୍ମାନ କରିପାରେ ନାହିଁ, ସେ ଜନତାଙ୍କ ହିତରେ କିପରି କାମ କରିବ । ସେହିପରି କେଜ୍ରିୱାଲଙ୍କ ନିକଟରୁ ଦିଲ୍ଲୀ ଜନତା ବହୁ ଆଶା ରଖିଥିଲେ । କିନ୍ତୁ ସେ ଦିଲ୍ଲୀବାସୀଙ୍କ ପାଇଁ କୌଣସି କାମ କରିନାହାଁନ୍ତି ।
ସେପଟେ ଦିଲ୍ଲୀରୁ ନିର୍ବାଚନ ଲଢିବା ପ୍ରଶ୍ନର ଉତ୍ତର ରଖିଛନ୍ତି ସ୍ବପ୍ନା । ବିଜେପିରେ ସାମିଲ ହୋଇଛି । ଆଗକୁ ଦଳର ନିର୍ଦ୍ଦେଶରେ ନିର୍ବାଚନ ଲଢିବା ନେଇ ସ୍ଥିର କରିବି ବୋଲି ସେ କହିଛନ୍ତି ।
