ଜୟପୁର: ଡାକ୍ତରଙ୍କ ଅକ୍ଲାନ୍ତ ପରିଶ୍ରମରେ ସଫଳ ହୋଇଛି ନିଆରା ଅସ୍ତ୍ରୋପଚାର । ଗମ୍ଭୀର କର୍କଟ ରୋଗରେ ଆକ୍ରାନ୍ତଙ୍କର ଅସ୍ତ୍ରୋପଚାର ଜୟପୁରର ଡାକ୍ତରଙ୍କ ଦ୍ବାରା ସଫଳ ହୋଇଛି । ରୋଗୀ ଅବସ୍ଥା ଅତ୍ୟନ୍ତ ଗୁରୁତର ଥିବାରୁ ସ୍ୱତନ୍ତ୍ର ଅନୁମତି ପରେ ତାଙ୍କୁ ଏୟାର ଲିଫ୍ଟ ଦ୍ବାରା ପୁଣେରୁ ଜୟପୁରକୁ ଅଣାଯାଇଥିଲା । ଦୀର୍ଘ 6 ଘଣ୍ଟା ଧରି ଚାଲିଥିବା ଏହି ଅପରେସନ ପରେ ଅନିଲ ଆନାପା ରାଓଙ୍କ ସଫଳ ଅସ୍ତ୍ରୋପଚାର ହୋଇଥିଲା ।
ଅସ୍ତ୍ରୋପଚାର କରାଯାଇଥିବା ଜୈନ ଇଏନଟି(ENT) ହସ୍ପିଟାଲର ଡାକ୍ତର ସତୀଶ ଜୈନ କହିଛନ୍ତି ଯେ, ରୋଗୀ ଜଣକ ଏକ ଗମ୍ଭୀର ରୋଗରେ ଆକ୍ରାନ୍ତ ଥିଲେ । ଗତ ଏକ ମାସ ଧରି ତାଙ୍କ ନାକରୁ ରକ୍ତସ୍ରାବ ହେଉଥିଲା, ଯେଉଁ ରୋଗ 25 ଲକ୍ଷଙ୍କ ମଧ୍ୟରୁ ଜଣଙ୍କ ଠାରେ ଦେଖାଯାଏ । ଏହି ରୋଗରେ ନାକ ଭିତରେ କ୍ୟାନସର ହୋଇଯାଇ ଥାଏ, ଯାହା ପର ମୁହୂର୍ତ୍ତରେ ମସ୍ତିଷ୍କକୁ ଚଢି ଯାଇଥାଏ ।
ବ୍ୟୁରୋ ରିପୋର୍ଟ, ଇଟିଭି ଭାରତ
