ହାଇଦ୍ରାବାଦ: ରାଷ୍ଟ୍ରପତିଙ୍କୁ ସାକ୍ଷାତ କଲେ ଦୌଡରାଣୀ ଦୂତି ଚାନ୍ଦ । ରାଷ୍ଟ୍ରପତି ରାମନାଥ କୋବିନ୍ଦ ଶୁକ୍ରବାର ଦିନ ରାଷ୍ଟ୍ରପତି ଭବନରେ ବିଭିନ୍ନ କ୍ଷେତ୍ରରେ ସଫଳତା ଲାଭ କରିଥିବା ବ୍ୟକ୍ତି ବିଶେଷଙ୍କ ସହିତ ସାକ୍ଷାତ କରିଛନ୍ତି । ଏହି ଅବସରରେ ଦୂତି ଚାନ୍ଦ ମଧ୍ୟ କୋବିନ୍ଦଙ୍କୁ ଭେଟିଛନ୍ତି ।
ଦେଶର ବିଭିନ୍ନ କ୍ଷେତ୍ରରେ ବିଜ୍ଞାନ, ଉଦ୍ଭାବନ, କ୍ରୀଡା, ସଶକ୍ତିକରଣ, ଦିବ୍ୟାଙ୍କ ବ୍ୟକ୍ତି, କୃଷି ଏବଂ ବନୀକରଣ, ମହିଳା ଓ ଶିଶୁ ସଶକ୍ତିକରଣ, ଶିକ୍ଷା, ସ୍ବାସ୍ଥ୍ୟ ଆଦି ବିଭାଗରେ ପ୍ରଂଶସନୀୟ କାର୍ଯ୍ୟ କରିଥିବା ବ୍ୟକ୍ତିଙ୍କୁ ଭେଟିଛନ୍ତି ରାମନାଥ କୋବିନ୍ଦ । ଦେଶପାଇଁ ଏମାନଙ୍କ ଅବଦାନ ରାଷ୍ଟ୍ର ନିର୍ମାଣରେ ସହାୟକ ହୋଇଥିବା କହିଛନ୍ତି ରାଷ୍ଟ୍ରପତି ।
