ମୁମ୍ବାଇ: ମୁମ୍ବାଇର ପୋଓ୍ବାଇ ବସ୍ତି ଅଞ୍ଚଳରେ ଏକ ହରିଣ ଆକସ୍ମିକ ଭାବେ ଘରେ ପଶିଆସିବା ଘଟଣା ଏବେ ସବୁଆଡେ ଚର୍ଚ୍ଚାର ବିଷୟ ପାଲଟିଛି । ରବିବାର ଦିନ ୧ ଟା ପାଖାପାଖି ଏହି ବସ୍ତି ଅଞ୍ଚଳରେ ଗୋଟିଏ ଘରେ ପାଖାପାଖି ୫ ଜଣ ଲୋକ ଶୋଇଥିବା ବେଳେ ହରିଣଟିଏ ଘର ଭିତରକୁ ଡେଇଁ ଆସିଥିଲା।
ବାସ୍ତବରେ ଚିତାବାଘ ହରିଣକୁ ଗୋଡାଉଥିବା ବେଳେ ହରିଣଟି ଦୌଡ ଦୌଡି ସହର ମଧ୍ୟରେ ଥିବା ବସ୍ତିକୁ ପଶିଆସିଥିଲା । ପରେ ଘରେ ଥିବା ଲୋକେ ଭୟଭୀତ ହୋଇ ବନ ବିଭାଗକୁ ଫୋନ୍ କରି ଜଣାଇବା ପରେ ହରିଣଟିକୁ ବନ ବିଭାଗ ନେଇଥିଲେ ।
ଏ ଘଟଣା ଦ୍ବାରା ଆଖପାଖ ଅଞ୍ଚଳର ଲୋକେ ବି ଭୟଭୀତ ହୋଇ କେଳାହଳ କରିଥିଲେ । ତେବେ ବନ ବିଭାଗ ଅଧିକାରୀ ସନ୍ତୋଷ କାଂକ କହିଛନ୍ତି, ଏଭଳି ଅନେକ ଜୀବଙ୍କୁ ବଡ ଜୀବ ଗୋଡାଇବା ଦ୍ବାରା ସେମାନେ ଛାତ ଉପରୁ ଡେଇଁ ଘରେ ପଶି ଆସିଥାନ୍ତି । ତେବେ ହରିଣଟି ଘରେ ଖଟରେ ଶୋଇବା, ଗ୍ୟାସ୍ ସିଲିଣ୍ଡର ପାଖରେ ବସିବା ଏବଂ ଅନ୍ୟାନ୍ୟ ମୁହୂର୍ତ୍ତ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
