ହାଇଦ୍ରାବାଦ: ଆଇପ୍ୟାଡ ୟୁଜର୍ସଙ୍କ ପାଇଁ ଗୁଗୁଲ ଆଣିଛି ନୂଆ ଓ ଆକର୍ଷଣୀୟ ଫିଚର । ଜିମେଲରେ ଏହି ନୂଆ ସ୍ପ୍ଲିଟ ଭିୟୁ ଫିଚର ସହ ମଲ୍ଟି ଟାସ୍କିଲର ସୁବିଧା ଯୋଗାଇଛି ଗୁଗୁଲ । ତେବେ କେବଳ ଆଇପ୍ୟାଡ ୟୁଜର୍ସଙ୍କ ପାଇଁ ଏହି ଫିଚର ବର୍ତ୍ତମାନ ରୋଲ ଆଉଟ ହୋଇଥିବା ଗୁଗୁଲ ଏକ ଟ୍ବିଟ ମାଧ୍ୟମରେ ସୂଚନା ଦେଇଛି ।
(ଟ୍ବିଟ ଫଟୋ)
ସ୍ପ୍ଲିଟ ଭିୟୁ ଏକ ଏପରି ଫିଚର ଯାହା ଦ୍ବାରା ଜଣେ ୟୁଜର ଜିମେଲ ସହ ଏକକାଳୀନ ଅନ୍ୟ ଆପ୍ ୟଥା କ୍ୟାଲେଣ୍ଡର ଓ ଗୁଗୁଲ ଫଟୋକୁ ଆକ୍ସେସ କରିପାରିବେ । ସାଧାରଣତଃ ଏକ ମିଟିଂ ବା ଜରୁରୀ ଇଭେଣ୍ଟ ପାଇଁ ତାରିଖ ନିର୍ଦ୍ଧାରଣ ପାଇଁ କ୍ୟାଲେଣ୍ଡରକୁ ଜିମେଲ ସହ ଆକ୍ସେସ ଦେବା ବେଳେ ଇମେଲରେ ଆଟାଚମେଣ୍ଟ ପାଇଁ ଗୁଗୁଲ ଫଟୋକୁ ଲିଙ୍କ କରିଛି କମ୍ପାନୀ ।
(ଜିମେଲ ଓ ଗୁଗୁଲ କ୍ୟାଲେଣ୍ଡର)
ଗୁଗୁଲର ଜିମେଲ ଏନେଇ ଏକ ଟ୍ବିଟ କରି ଜଣାଇଛି କି ରୋଲ ଆଉଟ ହୋଇଥିବା ଏହି ନୂଆ ଫିଚର ଦ୍ବାରା ୟୁଜର୍ସ ଜିମେଲ ସହ ଏକକାଳୀନ ଗୋଟିଏ ସ୍କ୍ରିନରେ କ୍ୟାଲେଣ୍ଡର ଖୋଲି ନିଜ କାର୍ଯ୍ୟସୂଚୀ ଦେଖିପାରିବେ । କୌଣସି ମିଟିଂ ବା ଇଭେଣ୍ଟ ପାଇଁ ଟାଇମ ଫିକ୍ସ କରିବାକୁ ହେଲେ ଏହି ଫିଚର ସହାୟକ ହେବ । ସେହିପରି ଇମେଲରେ ଆଟାଚମେଣ୍ଟ ପାଇଁ ଜିମେଲରେ ଥାଇ ସିଧାସଳଖ ଗୁଗୁଲ ଫଟୋରୁ ଡ୍ରାଗ ଆଣ୍ଡ ଡ୍ରପ ଦ୍ବାରା ୟୁଜର୍ସ ଫଟୋ ଆଟାଚ କରିପାରିବାର ସୁବିଧା ଯୋଗାଇ ଦିଆଯାଇଛି ।
(ଜିମେଲ ଓ ଗୁଗୁଲ ଫଟୋ)
ଏହି ଫିଚରକୁ ପ୍ରାଥମିକ ପର୍ଯାୟରେ ସମସ୍ତ ଜିସୁଟ ୟୁଜର୍ସ ଓ ବ୍ୟକ୍ତିଗତ ଆକାଉଣ୍ଟ ହୋଲ୍ଡରଙ୍କ ଆକାଉଣ୍ଟରେ ରୋଲ ଆଉଟ କରାଯାଇଛି । ଏହା କେବଳ ଆଇପ୍ୟାଡ ୟୁଜର୍ସଙ୍କ ପାଇଁ ବର୍ତ୍ତମାନ ରୋଲ ଆଉଟ କରାଯାଇଥିବା ଆଗକୁ ଅନ୍ୟ ୟୁଜର୍ସଙ୍କ ପାଇଁ ମଧ୍ୟ ରୋଲ ଆଉଟ କରାଯିବା ନେଇ ସୂଚନା ରହିଛି ।
ତେବେ ସ୍ପ୍ଲିଟ ଭିୟୁ ବ୍ୟବହାର କରିବାକୁ ହେଲେ ପ୍ରଥମେ ଆଇପ୍ୟାଡରେ ମଲ୍ଟିଟାସ୍କିଂ ଅପ୍ସନ ଉପରେ କ୍ଲିକ କରିବାକୁ ହେବ । ଏହାପରେ ସ୍କିନର ବଟମକୁ ଉପରକୁ ସ୍ବାଇପ କରିବାକୁ ହେବ । ଏହାପରେ ଏହି ସ୍କ୍ରିନରେ ଆପଣ ନିଜ ବ୍ୟବହାର ମୁତାବକ ଆପ୍କୁ ଡ୍ରାଗ କରିପାରିବେ । ନିଜ ସୁବିଧା ମୁତାବକ ୟୁଜର୍ସ ଏହି ସ୍କ୍ରିନକୁ ଡାହାଣ କିମ୍ବା ବାମ ପାର୍ଶ୍ବରେ ବ୍ୟବହାର କରିପାରିବେ ।
2015 ମସିହାରେ ଆପଲ ପ୍ରଥମେ ସ୍ପ୍ଲିଟ ଭିୟୁ ଫିଚରକୁ ଆଇପ୍ୟାଡରେ ରୋଲ ଆଉଟ କରିଥିଲା । ପରେ ପରେ 2016 ମସିହାରେ ଗୁଗୁଲ ସିଟ୍, ଡକ୍ୟୁମେଣ୍ଟ ଓ ସ୍ଲାଇଡ ସହ ଏହି ଫିଚରକୁ ରୋଲ ଆଉଟ କରିଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
