ହାଇଦ୍ରାବାଦ: ତେଲେଙ୍ଗାନାରେ କୋରୋନା ପ୍ରକୋପ କ୍ରମଶଃ ବଢିବାରେ ଲାଗିଛି । ସୋମବାର ତେଲେଙ୍ଗାନାରେ କୋରୋନା ଭାଇରସରେ ଆଉ ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଛି । ସେହିପରି ସୋମବାର 61ଟି ନୂଆ କୋରୋନା ପଜିଟିଭ ରିପୋର୍ଟ ସାମ୍ନାକୁ ଆସିଛି ।
ରାଜ୍ୟରେ ବଢୁଥିବା ସଂଖ୍ୟାକୁ ଦୃଷ୍ଟିରେ ରଖି ସରକାର ସମସ୍ତ ଲାବ୍ରୋଟାରୀ ଏବଂ ଡାକ୍ତରଖାନାକୁ ପ୍ରସ୍ତୁତ ରଖିଛନ୍ତି । ଅଧିକାରୀମାନେ କହିଛନ୍ତି ଯେ ପ୍ରତିଦିନ 1000 ରୁ 1100 ପରୀକ୍ଷା କରିବାକୁ ରୋଗୀଙ୍କ ଚିକିତ୍ସା ପାଇଁ ସମସ୍ତେ ପ୍ରସ୍ତୁତ ରହିଛନ୍ତି ।
ସୋମବାର ରାଜ୍ୟରେ ଏକ ମୃତ୍ୟୁ ରିପୋର୍ଟକୁ ମିଶାଇ ମୋଟ ମୃତ୍ୟୁ ସଂଖ୍ୟା 17 କୁ ବୃଦ୍ଧି ପାଇଛି । ଗତ ତିନି ଦିନ ମଧ୍ୟରେ 5 ଟି ମୃତ୍ୟୁ ରିପୋର୍ଟ ରହିଛି ।
ସୋମବାର Covid-19 ପାଇଁ 61 ପଜିଟିଭ୍ ରିପୋର୍ଟ ସହ ମୋଟ ସଂକ୍ରମଣ ରିପୋର୍ଟ 592 କୁ ବୃଦ୍ଧି ପାଇଛି । ରବିବାର ପର୍ଯ୍ୟନ୍ତ 103 ଜଣଙ୍କୁ ଡାକ୍ତରଖାନାରୁ ଡିସଚାର୍ଜ କରାଯାଇଛି।
କେବଳ ଗ୍ରେଟର ହାଇଦ୍ରାବାଦରେ 216ଟି ମାମଲା ରହିଥିବାରୁ ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ ଅଧିକାରୀମାନଙ୍କୁ ରାଜ୍ୟ ରାଜଧାନୀ ପ୍ରତି ଅଧିକ ଧ୍ୟାନ ଦେବାକୁ ନିର୍ଦ୍ଦେଶ ଦେଇଛନ୍ତି।
କୋରୋନା ଭାଇରସର ବିସ୍ତାର, ଲକଡାଉନ୍ ଏବଂ ଅନ୍ୟାନ୍ୟ ପ୍ରସଙ୍ଗରେ ନିଆଯାଇଥିବା ପଦକ୍ଷେପ ଉପରେ ସିଏମ କେସିଆର ଏକ ଉଚ୍ଚ ସ୍ତରୀୟ ସମୀକ୍ଷା ବୈଠକ କରିଥିଲା |
ସେ କହିଛନ୍ତି, "ଗ୍ରେଟର ହାଇଦ୍ରାବାଦ ଅଞ୍ଚଳରେ ଅଧିକ ମାମଲା ପଞ୍ଜୀକୃତ ହେଉଛି। ତେଣୁ ହାଇଦ୍ରାବାଦ ପାଇଁ ଏକ ସ୍ବତନ୍ତ୍ର ରଣନୀତି ହେବା ଉଚିତ।"
ସିଏମ କହିଛନ୍ତି ଯେ, ଗ୍ରେଟର ହାଇଦ୍ରାବାଦ ମ୍ୟୁନିସିପାଲିଟି କର୍ପୋରେସନ୍ (ଜିଏଚ୍ଏମ୍ସି) ର 17 ଟି ସର୍କଲକୁ 17 ୟୁନିଟ୍ ଭାବରେ ବ୍ୟବହାର କରାଯାଉ । ପ୍ରତ୍ୟେକ ୟୁନିଟରେ ଜଣେ ସ୍ବତନ୍ତ୍ର ମେଡିକାଲ୍ ଅଫିସର, ମ୍ୟୁନିସିପାଲିଟି ଅଫିସର, ପୋଲିସ୍ ଅଫିସର ଏବଂ ରାଜସ୍ବ ଅଧିକାରୀ ନିଯୁକ୍ତ କରନ୍ତୁ । ସମଗ୍ର ମ୍ୟୁନିସିପାଲିଟି ପ୍ରଶାସନ ବିଭାଗ କୋରୋନା ଭାଇରସ୍ ବିସ୍ତାର ରୋକିବାରେ ନିଜକୁ ନିୟୋଜିତ କରିବା ଉଚିତ ବୋଲି ସେ ନିର୍ଦ୍ଦେଶ ଦେଇଛନ୍ତି ।
ରାଜ୍ୟରେ ସୃଷ୍ଟି ହୋଇଥିବା 246 କଣ୍ଟେନମେଣ୍ଟ ସେଣ୍ଟର ମଧ୍ୟରୁ 126 ଟି କେବଳ ହାଇଦ୍ରାବାଦରେ ଅଛି ବୋଲି ଦର୍ଶାଯାଇଛି ।
@IANS ଇନପୁଟ
