ନୂଆଦିଲ୍ଲୀ: ମୋଦିଙ୍କ ଆଉ ଏକ ଜଲୱା । 70 ବର୍ଷ ପରେ ପୂରଣ ହେଲା କାଶ୍ମୀରର ସ୍ବପ୍ନ । ଗତ 2014 ମସିହାରୁ ପୂର୍ଣ୍ଣ ବହୁମତ ପାଇ ପ୍ରଧାନମନ୍ତ୍ରୀ ଭାବେ ଦାୟିତ୍ବ ନେବା ପରେ ନରେନ୍ଦ୍ର ମୋଦି ଗୋଟିଏ ଗୋଟିଏ ପରେ କିର୍ତ୍ତୀମାନ ସୃଷ୍ଟି କରିଚାଲିଛନ୍ତି । ଦେଶର ବିକାଶ ପାଇଁ ସମସ୍ତ କଠିନ ନିଷ୍ପତ୍ତି ନେବାସହ ବଳିଷ୍ଠ ନେତୃତ୍ୟ ଦେଇ ସରକାରକୁ ଏକ ଭିନ୍ନ ରୂପରେ ପରିଚାଳନା କରୁଛନ୍ତି ପ୍ରଧାନମନ୍ତ୍ରୀ । ବିଶେଷ କରି ମୋଦି ତାଙ୍କ ଦ୍ବିତୀୟ ପାଳିର ପ୍ରାରମ୍ଭରୁ ସରକାରଙ୍କ ଲକ୍ଷ୍ୟ ସ୍ପଷ୍ଟ କରିସାରିଛନ୍ତି ।
ମାତ୍ର କିଛି ଦିନର ବ୍ୟବଧାନ ପରେ ଗୋଟିଏ ପରେ ଗୋଟିଏ କଠିନ ନିଷ୍ପତ୍ତି ନେବା ସହ ରେକର୍ଡ ସଂଖ୍ୟକ ବିଲ୍ ପାସ୍ କରାଇ ସମସ୍ତଙ୍କୁ ଚକିତ୍ କରିଛନ୍ତି ସରକାର । ଆଉ ଏବେ ଜମ୍ମୁ-କାଶ୍ମୀର ପୂର୍ଣ୍ଣ ଗଠନ ବିଲ୍ ରାଜ୍ୟସଭାରେ ମଞ୍ଜୁର କରାଇ ସରକାର ଏକ ଐତିହାସିକ ପଦକ୍ଷେପ ନେଇଛନ୍ତି । ଏହା ମଧ୍ୟରେ ସୋସିଆଲ ମିଡିଆରେ ମୋଦିଙ୍କ ସୋମବାର ସଂଯୋଗକୁ ନେଇ ସାର ଦେଶରେ ଜୋରଦାର ଚର୍ଚ୍ଚା ଚାଲିଛି ।
ମୋଦିଙ୍କ କାଶ୍ମୀର ମିଶନ ପରେ ବାକି ରହିଥିବା ବିବାଦର ସମାଧାନ ମଧ୍ୟ ସୋମବାର ହେବ ବୋଲି ସୋସିଆଲ ମିଡିଆରେ ଚର୍ଚ୍ଚା ହେଉଛି । ଆଉ ଅନେକ ୟୁର୍ଜସ ଏହାପରେ ରାମ ମନ୍ଦିର ବିବାଦ ତୁଟିବ ବୋଲି ମଧ୍ୟ କହୁଛନ୍ତି । ଯାହାକୁ ନେଇ ସୋସିଆଲ ମିଡିଆରେ ଦେଖିବାକୁ ମିଳୁଛି ଅନେକ ମିମ୍ସ ।
ଏଠାରେ ସୂଚନାଯୋଗ୍ୟ, ନିକଟରେ ପ୍ରଥମ ସୋମବାର ଚନ୍ଦ୍ରଯାନ 2 ଅଭିଯାନ ସଫଳ ହୋଇଥିଲା । ଆଉ ଦ୍ବିତୀୟ ସୋମବାର ପାସ୍ ହେଲାତିନି ତଲାକ ବିଲ୍ ଏବଂ ତୃତୀୟ ସୋମବାର ଉଚ୍ଛେଦ ହୋଇଛି ଧାରା 370 ଓ 35(କ) ।
