ନୂଆଦିଲ୍ଲୀ: ପ୍ରଧାନମନ୍ତ୍ରୀ ମୋଦିଙ୍କୁ ଭେଟିଛନ୍ତି ଖାସ ବନ୍ଧୁ । ଆଉ ମୋଦି ସୋସିଆଲ ମିଡିଆରେ ତାଙ୍କ ସହ ସେୟାର କରିଛନ୍ତି ଫଟୋ । ତେବେ ମୋଦିଙ୍କ ବନ୍ଧୁ ହେଲେ ଜଣେ କୁନି ପିଲା । ଏହି ପିଲାସହ ଖେଳୁଥିବାର ନଜର ଆସିଛନ୍ତି ପ୍ରଧାନମନ୍ତ୍ରୀ । ଆଉ ଏହି ଫଟୋକୁ ପସନ୍ଦ କରିଛନ୍ତି ମୋଦିଙ୍କ ଫଲୋଅର । ଆଉ ସୋସିଆଲ ମିଡିଆରେ ଭାଇରାଲ ହୋଇଛି ଏହି କ୍ୟୁଟ ଫଟୋ ।
ଆଜି ସାଂସଦକୁ ମୋ ସହିତ ଭେଟିବାକୁ ମୋର ଜଣେ ଖାସ ବନ୍ଧୁ ଆସିଥିଲେ ବୋଲି କ୍ୟାପସନ ଲେଖି ଫଟୋ ଇନଷ୍ଟାଗ୍ରାମ ଓ ଟ୍ବିଟରରେ ସେୟାର କରିଥିଲେ । ମୋଦିଙ୍କ ଟେବୁଲରେ କିଛି ଚକୋଲେଟ ଥିବା ମଧ୍ୟ ଦେଖାଦେଇଛି । କିନ୍ତୁ ଏହି ପିଲାଟି କିଏ ତାଙ୍କ ବିଷୟରେ କୌଣସି ତଥ୍ୟ ପ୍ରଧାନମନ୍ତ୍ରୀ ପ୍ରଦାନ କରିନାହାଁନ୍ତି ।
ପୂର୍ବରୁ ମୋଦି ବିଦେଶ ଗସ୍ତ ସମୟରେ ପିଲାଟଙ୍କ ସହ ଫଟୋ ସେୟାର କରିଥିଲେ । କିଛି କାର୍ଯ୍ୟକ୍ରମରେ ସେ ସୁରକ୍ଷା ବଳୟ ଭିତରୁ ବାହାରି କୁନି ପ୍ରଂଶସକଙ୍କ ସହ ମିଶୁଥିବା ନଜର ଆସିଛନ୍ତି ।
